تربت : انسانی حقانی کمیشن ءَ بلوچستان ءَ انسانی حقانی لگتمالی ءِ سر ءَ بے تاھیری درشانتگ

تربت : پاکستان کمیشن ءِ انسانی حقانی ٹاسک فورس تربت مکران ءِ ماھینہ دیوان ایچ آرسی پی ءِ کارگس ءَ بوتگ ۔ دیوان ءِ تہ ءَ ایچ آرسی پی ءِ باسکاں ابید گوں انسانی حقاں ھب داریں جنین ءُ مردیناں مزنیں کساسے ءَ بھر زرتگ ۔ دیوان ءِ بنگپ ءِ سر ءَ تران کنان ءَ غنی پرواز ، یوسف عزیز گچکی ، طارق مسعود ، منیرہ سلطانہ ءُ گل افروز پرواز ءَ گوشتگ کہ چاگرد ءِ مردم باید انسنانی حقانی وتی بنی ذمہ واریاں سرپد بہ بنت ۔ دیوان ءِ تہ قراد داد منگ بوتگ کہ ابوبکر بلوچ ، شھید آصف ، رحیم بلیدی ، زاھد بلوچ ، ماسٹر سلیم ، عمران منیر، فضل بلوچ بلوچ ءُ کلیم اللہ بلوچ ءِ زندان ءِ تہ ءَ کوش ایرجنگ کرزاَنت ۔ ءُ اھوالکار جاوید نصیر رند ءُ سیاسی کارکن صمد بلوچ ءِ پجیگ ءَ آوار جتگیں مردم زوت یلہ دیگ بہ بنت ۔ دیوان ءَ کراچی ءَ بلوچ میتگاںی سر ءَ یک نیمگی آپریشن ءُ مزنیں کساسے ءَ بے میاریں بلوچانی دزگیری ءِ سر ءَ ھم بے تاھیری درشان کنگ بوتگ ۔