ناصر آباد زور گریں لشکر ءِ اُرش ءِ دیمپانی ءَ سرمچار سالم ھم شھید ' زورگراں ھم ٹوھیں تاوان رستگ ' بی ایل ایف

بلوچستان لبریشن فرنٹ ءِ جارکش گوھرام بلوچ ءَ زورگریں لشکریانی سر ءَ اُرش ءِ ذمہ واری من اِتگ ءُ گْوشتگ کہ کیچ ءِ ھنکین ناصر آباد ءَ زورگریں لشکریاں مزنیں کساسے ءَ اُلسی پُچ پِر کُرت ، بساں سوار بوت اَتک اَنت ءُ بی ایل ایف  ءِ کماندار واجہ فضل حیدر ءِ لوگ انگیر کُرت ۔

 سرمچار شھید شھداد فضل ءُ آئی ءِ سنگت شھید سالم بلوچ ءَ گوں بھادری ءَ گلزمین ءِ دییمپانی کُرت ءُ زورگریں لشکر ءَ جوانیں وڑے ءَ پسو دیان بازیں ساھت ءَ جنگ داشت چَہ ایشی ءَ زورگراں مزنیں کساسے ءَ تاوان رست ءُ سرمچار شھداد فضل ءُ سالم شھید بوت اَنت ۔

سرمچاراں لشکریانی گاڑی رودبن ، آسیاباد ، میران آباد ءُ دو کوپ ءَ گوں راکٹ ءُ نوکیں سِلاھاں نشانگ کُرت اَنت چَہ اے اُرش ءَ لشکریانی دہ ءَ گیش سپاھیگ مُردار بوت ءُ مزنیں کساسے زدگ ، ھمے میان ءَ پاکستانی فوج ءَ یکشل ءَ پہ وت کمک ھم لوٹائینان کُرت ۔

گَوَک ءَ سرمچاراں سَنگر گیپت ءُ لشکریانی کاروان ءِ دو بس ءُ ھپت گاڑیانی سر ءَ اُرش کُرت چَہ اے اُرش ءَ  دژمن ءِ بسے سرجمے ءَ ستک ءُ سئے گاڑیاں تاوان رست ، چَہ اے اُرش ءَ سی ءَ بُرز زور گر مُرت  ءُ مزنیں بھرے ٹپی بوت ۔

پنچشمبے ءِ روچ ءَ چَہ بی ایل ایف ءِ کماندار ءِ لوگ ءِ سر ءَ اُرش ءَ پد سرجمیں روچ ءَ زورگر ءِ سر ءَ اُرش برجاہ بوتگ اَنت ، گَوَک ءُ دو کوپ ءَ مُرداریں زورگریں لشکریانی تپنگ ھم دستیگ کُرتگ اَنت ۔

شھید سرمچار سالم ءُ شھید شھداد ءَ داں گڈی ساہ ءَ دژمنی ءِ دیم ءَ جنگ داشت ءُ دپترے نوک کُرتگ ، بی ایل ایف آھاں سھریں سلام پیش کنت ۔