بالیچہ : شھید نصراللہ ءِ مانش ءِ سر ءَ سرمچاراں آزاد بلوچستان ءِ بیرک مِک کُرت

گْوستگیں شپ ءَ ماں بالیچہ ءَ بلوچ سرمچاراں جلال خان ءِ چک '' شھید نصرت اللہ '' ءِ مانش ءِ سر ءَ سلامی داتگ ءُ آزاد بلوچستان ءِ بیرک چنڈینتگ ۔

زانگ بہ بیت کہ شھید نصرت اللہ گْوستگیں روچ ءَ مند ءَ زورگریں لشکر ءَ آوار جتگ ۔ لوگانی سر ءَ اُرش ءِ میان ءَ زورگراں بلوچ جنین آدم جتگ اَنت ۔ شھید نصرت اللہ ءَ اے ھبر دوست نہ بوتگ ءُ آ لشکریانی دیم ءَ میلانک بوتگ ءُ دزجنگی ئِے  کُرتگ ، چَہ ھمے ھبراں جابریں لشکری برانز گیپتگ اَنت ءُ شھید نصرت اللہ اِش دزگیر کُرتگ گوں وت بُرتگ ۔

آھاں شھید نصر اللہ سک باز آزار داتگ ، شھید ءِ دوئیں چم گوں ڈرل مشین ءَ تْراکینتگ اَنت ، بالاد جاہ پہ جاہ ڈرل کُرتگ ءُ زبان بُر اِتگ ۔

شھید نصراللہ ءِ مانش ءِ سر ءَ سرمچاراں بلوچستان ءِ بیرک مِک کُرتگ