یمن ءَ چَہ وتی بالیگانی بمبگواری ءَ بیست فوجی مرتگ

لندن :یمن ءِ زرباری دمگ ءَ یک جنگی بالیگے ءِ بمبگواری ءَ بیست فوجی مرتگ ۔ ھندی بندبست کار ءُ دارو درمانی کمک کنوکاں اے ھال راست گوشتگ بلے سرکار ءَ اے گپ نہ من اِتگ ۔ چار شمبے ءِ روچ ءَ یک سد ءُ نوزدھمی بریگیڈ ءِ سر ءَ بیوکیں اے اُرش زنجیبارءِ نزیک ءَ آبیان اُستان ءَ انچیں وھدے ءَ بوتگ کہ چد ءُ پیش آ اُود ءَ شدت پسنداں آُرش کرتگ اَت ۔دنیگت اے زانگ نہ بوتگ کہ چَہ اے بمبگواریءَ  دنیگت چنت فوجی مرتگ ءُ اے یک ردے ءِ سبب ءَ بوتگ ۔یمن راج  پھازی وزارت ءَ ھال رسانیں ادارہ رائٹرز ءَ گوشتگ کہ ھچ فوجی نہ مرتگ ۔ ھالانی رد ءَ یک سد ءُ نوزدھمی بریگیڈ صدر صالح ءِ ھلاپ ءَ چست بیوکیں اُرش ءِ دیم ءِ دارگ ءَ لوٹائینگ بوتگ ۔ھالانی تہ ءَ ھمگرنچ اِنت کہ القاعدہ ءِ جنگولاں چَہ یمن ءِ مھلوک ءِ زھرشانی ءَ سوت چست کرتگ ءُ زیجنیبار ءَ پترگ ءِ جھد کرتگ ۔ یمن ءَ اپوزیشن ءِ گوشگ اِنت کہ سرکار القاعدہ ءِ نام ءِ سر ءَ پہ وتی کارروائیاں میان اُستمانی تک ءَ پلہ مرز درگیجگ ءِ جھد ءَ اِنت ۔