اگاں کمک نہ رست سندھ ءِ مل ءُ شرتگ جتاں شدھ کش اِیت ' آکسفام

کراچی : میان اُستمانی کمکی ادارہ آکسفام ءَ ھژدار کرتگ کہ چَہ میان اُستمانی تک ءِ مردمانی نیمگ ءَ پاکستان ءِ اُستان سندھ ءِ شرتگ آماچیں مردماں کمک ءَ دیر بوگ ءِ سبب ءَ شرتگ جتگیں مردمانی چَہ شد ءَ مِرگ بنا بیت ۔آکسفام ءِ جارکش ڈاکٹر نورین خالد ءَ گوں بی بی سی ءَ گپ جنان ءَ گوشتگ کہ سندھ ءَ شرتگ جتیں مردمانی کساس ھشتاد ءُ نو لکھ بیت بلے دنیگت کمک کنوکاں وتی گپانی پد ءَ کمک نہ کرتگ ءُ پہ مردمانی کمک ءَ وسیلہ نیست ۔ زانگ بہ بیت کہ سندھ ءَ ھور ءُ ملانی سبب ءَ سرکاری وراک ، وردن ءُ دگہ سامان دہ اکتوبر ءَ ھلاس بنت وھدے کہ پہ کمک کنگ ءَ تپاکیں راجانی گل ءَ کساس 36کروڑ ڈالر ءِ لوٹ ءِ تہ ءَ ایوک شش درسد رستگ ۔