ناسا ءِ دیم داتگیں خلائی گُراب مریخ ءَ سر بوتگ،
Monday, August 06, 2012
بام: امریکا ءِ آسمان پولی ءِ ھاترا کار کنوکیں کارگس‘‘ناسا‘‘ ءِ نیمگ ءَ دیم داتگیں ‘‘خلائی گراب‘‘ مریخ ءِ سرا ایرکپگ ءَ سوب مند بوتگ۔ اے خلائی گراب نومبر ءِ ماہ ءَ چہ زمین ءَ راکٹانی وسیلت ءَ دیم دیگ بیتگ۔ پنجاہ ءُ ھپت کروڈ کلومیٹر ءِ گوازینگ ءَ پد مریخ ءِ سرا سر بوتگ۔ناسا ءِ ‘‘جیٹ پروپلژن لیبارٹری ‘‘ ءَ اے گامگیج ءِ ھاترا کار کنوکیں زانوگرانی ردا اے گپ ءِ راستی منگ بوتگ کہ ھشت ماہ ءِ سفر ءَ رند ‘‘کیوریاسٹی‘‘ (جُست ءُ پُرس) نامیں خلائی گُراب مریخ ءِ سرا سر بوتگ۔ اے خلائی گراب ءَ جتگیں کیمرھانی کَشتگیں عکس ھم زمین ءَ سر بوتگ اَنت۔
ناسا ءِ گُشگ ءِ ردا ‘‘کیوریاسٹی‘‘ ءِ ماں مریخ ءَ سربیئگ ، آسمان پولی ءِ درگت ءَ سوبمند تریں گامگیج اِنت کہ ایشی ءَ ھمے نشون ھم زانگ بیت مریخ ءِ سرا زند گوازینگ بیت کنت یا اِناں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Comments[ 0 ]
Post a Comment