ڈائناسوری مکسک۔ سائنس
Sunday, March 04, 2012
بام: کوھنیں دمبانی تھا دز کپتگیں ھڈاں چہ انسان ءَ بازیں پٹ ءُ پول کُتگ ءُ بازیں لیکھے دیم ءَ آؤرتگ۔ چرے ھڈاں چہ بازیں لیکہ دیم ءَ آرگ بیتگ۔ برے وھدی انسان شادوانی بُن ءُ بیھ گُشگ بیتگ ءُ برے کرمانی سیاد ءُ وارث، چارلس ڈاروین ءِ اے کافری لیکہ الم ھر کسے دیم ءَ گوستگ اَنت۔ ھمے ھڈانی پٹ ءُ پول ءَ چہ زانوگرانی ھمے گپ دیم ءَ آؤرتگ کہ اے دُنیا ءَ ھزاراں ساھدار است بیتگ اَنت کہ آھاں وھد ءِ وھشتانی دیم ءَ وت ءَ داشت نہ کُتگ ءُ گار ءُ بیگواہ بیتگ اَنت۔
بلے بیاکہ چائنا ءِ دمگ منگولیا ءَ یک سائنسی پٹ ءُ پولی (گورپٹیں) ٹولی یے لھتے انچیں مکسکے ھڈاں گوں دوچار کپتگ کہ آھانی گُشگ ءِ ردا اے مکسکے ھڈانی کد چہ انوگیں مکسکانی کچ ءَ دہ سری مزن اِنت۔
سائنسدانانی ردا اے ھڈ سد ملین سال کوھنیں ھڈ اَنت۔ آ اے ھڈانی شوھازگ ءَ پہ سائنسی پٹ ءُ پولی دُنیا ءَ جوانیں گامگیجی سرپد بنت۔ آھانی ردا دز کپتگیں مکسکے ھڈاں چہ ھمے نشوندھی رسیت کہ اے ٹوھیں مکسک گوں استیں وھد ءِ مکسکاں گوں ھم دروشم بیتگ اَنت ءُ ایشانی تھا پادانی سرا تر ءُ گرد کنگ ءُ بال کنگ ءِ سِکّت ھم بیتگ۔
چین، امریکا ءُ فرانس ءِ زانوگرانی ٹولی ءَ اے مکسکی ھڈ چین ءِ دمگ منگولیا ءَ شوھاز اِتگ اَنت۔آھانی ردا اے مکسکاں وتی زندگ دارگ ءِ ھاترا ڈائناسورانی ھون چونس اِتگ۔۔
- نوکیں ”ٹیکنالوجی” ماں بیگواھی ءِ سیمسراں سر بیتگیں زبانانی دیمروئی ءَ پہ جوانیں کمکے بیت کنت۔سائنسی پٹ ءُ پول
- ”فیس بُک” ءِ کُڈک غم ءُ رَنجانی سوب جوڑ بیت کنت۔
- پُشت گُشی ءُ دروگ بندگ ءَ انسان چہ بازیں نادُراھیاں رکیت کنت۔تب زانشی زانتکار
- برطانیہ ءَ بیست ءُ پنچ سال ءَ رند زالبول ءِ سگندان ءَ قلم کشگ بیتگ،
- بیست ءُ یک دسمبر ءَ ایریس روچ ءِ مدار ءِ میان ءَ گوزیت، ناسا
- مصر ءِ بُرز کدیں ماڑی، ابدمانیں انسانی تاریخ ءِ مانزمانی ءَ کن اَنت
- مَدَگ ھم عجبیں سھدارے
- روم، بیست ءُ سئے کروڑ سال کوھنیں ”کرمانی“ ھڈ ءُ جون دز کپتگ اَنت
- بدنی تکلیفانی آماچی ءَ چہ زھگ ءِ ”ذھنی“ ردوم ءِ تھا کمے کئیت۔ سائینسی رپورٹ
- جاری پہ بلوچ راجی جُہدکاراں۔ گوریلہ جنگ ءِ سرھال ءَ تاکبندے شِنگ بوتگ
- ناسا ءِ دیم داتگیں خلائی گُراب مریخ ءَ سر بوتگ،
- یک نوکیں پٹ ءُ پولی ءَ ایچ،آئی،وی ءِ ویکسین ءِ زوت تیار کنگ ءِ اُمیت زاھر کنگ بوتگ
Comments[ 0 ]
Post a Comment