یمن: سنی اسلامی دربرجاہ ءِ سرا ارش ، بیست کس بیران بیتگ،

صنعا: یمن ءِ شمالی دمگ ءَ شیعہ یاگیاں یک سنی دربرجاھے سرا ارش کُتگ، چر ایشی ءَ چہ بیست سنی مسلمان بیران ءُ ھپتاد ٹپی  بیتگ انت، ھالانی ردا شیعہ مسلمانانی مھکم تریں ھند ”سادہ شھر ءِ کش ءُ گورے ھند دماج ءَ سنی آنی درجاھے سرا ارش ءَ 20 ءَ گیش مردم بیران بیتگ ءُ بازینی ٹپی، دلگوش کنگ یے گپ اش انت کہ ماں یمن ءَ شیعہ مسلمانانی گل ”ھوتھیس” سنی مسلماناں وتی مستریں دُشمن سرپد بیت، چر ایشی ءَ یمن ءِ مرچیگیں ھالاتانی پشدر ءَ ھمے گُمان ھم رد بیت نہ کنت کہ عبداللہ صالح سرکار اگاں ھتم کنگ بہ بیت تا ماں یمن ءَ مذھبی فرقہ واریت ءِ ردوم زیریت، بیمناکیں تباھے کئیت ءُ اے ردا سعودی عرب ءِ سنی سرکار ھم اسر مند بیت کنت ءُ سرجمیں اسلامی جھان ءِ سرا ھم اے اسر کپاں ،،پمیشا سعودی یمن ءِ مرچیگیں جاوراں سک نگیگ کُتگ ءُ آ صالح سرکار ءِ پلہ مرزی ءَ کنگ ایں ءُ دیم ءَ سعودی ءُ اے دگہ سنی مُلکانی ماں یمن انوگیں جاورانی پژدر ءَ  فوج دیم دیگ ءِ ھم گُمان استیں ، انچو کہ بحریں ءَ شیعہ زھرشانی یے دارگ ءِ ھاترا فوج دیم دیگ بوت۔۔