ازرائیلی بچکانی کُوش ءَ پد ازرائیل ءِ حماس ءَ بیھار

تل ابیب: سیزدہ روچ پیش بیگواہ بوتگیں سئے ازرائیلی بچکانی جُون دست کپتگ اَنت ءُ ازرائیل ءَ حماس ذمہ وار لیک اِتگ ءُ بیر گرگ بیھار داتگ.

ازرائیلی مزن وزیر بنجامن نیتنیاھو ءَ وتی سرکار ءِ وزیرانی اشتاپی لوٹائینتگیں دیوان ءَ تْران کنان ءَ سئے بچکانی جُونانی دست کپگ ءِ ھال راست من اِتگ ءُ گْوشتگ کوش ءِ ذمہ وار حماس اِنت ءُ آئی ایشی ءِ ھساب دیگی اِنت.

دومی نیمگ ءَ حماس ءَ ازرائیل ھژدار داتگ ءُ گْوشتگ کہ اگاں حماس ءِ بگیری ءَ کارروائی بہ بیت گڑا اِزرائیل پہ وت جھنم ءِ دروازگاں پچ کنت.

امریکی مزن واک اوباما ءَ ھم اے درگت بے تاھیری دْرشان کُرتگ ءُ گْوشتگ کہ چَہ اے پیمیں کاراں جاور گیش نگیگ بنت.

ھپدہ روچ پیش بیگواہ بوتگیں ازرائیلی بچکانی جُون چَہ روکپتی نیمگ ءِ ڈگاراں دست کپتگ اَنت.