تربت : زورگراں چَہ سنگانی سر ءَ شش ورنا آوار جتگ

تربت : پاکستانی زورگریں لشکر ءَ سنگانی سر ھسپتال میتگ ءَ بیڑ بُرتگ ءُ شش مردم دزگیر کنگ ءَ پد ناشناسیں زنداناں بُرتگ ۔

سئے شمبے ءِ روچ ءَ چیریں ادارہ ءُ ایف سی ءَ پجیگ ءَ کارروائی کُرتگ  ءُ چَہ سنگانی سر ھسپتال میتگ ءَ بازیں ورناھیں دگانی سر ءَ اُوشتارینتگ ءُ آھانی دیم دیوالانی نیمگ ءَ کُرتگ ءُ چَہ ایشاں شش ورنا گوں وت ناشناسیں زنداناں بُرتگ ، وھدے کہ زندانی ئیں  یاسین ءِ چک تاج یلو کنگ بوتگ ۔