جعفرآباد: مردم پہ ورگی آپ ءَ تنگ ، پژگل ورگ ءَ لاچار

جعفر آباد :  وش نیوز ءِ اھوالکار مصری بگٹی ءِ داتگیں ھالانی رد ءَ جعفر آباد ءِ مھلوک ءَ پہ ورگ ءَ شریں آپ رسگ ءَ نہ اِنت ءُ مردم بے آپی ءَ جنجالیں زند گْوازینگ ءَ اَنت ۔

آئی ءَ گْوشتگ کہ پبلک ہیلتھ ڈیپارٹمنٹ ءِ ذمہ واری اِنت کہ مھلوک ءِ جان دراھی ءِ ھیالداری بہ کنت  بلئے ھمے ڈیپارٹمنٹ  مردماں ھوٹگ ءِ پژگلیں آپ دیگ ءَ اِنت کہ آھانی تہ ءَ بجری ءُ سیمنٹ ھم ھوار اِنت ۔

چَہ ھرابیں آپ ورگ ءِ سبب ءَ جعفر آباد ءَ زردوئیگ ءِ نادراھی نود درسد گیش بوتگ ۔