شھباز شریف ءِ گوں چینی سرمایہ داراں بلوچ مڈیانی سودابازی

پنجاپی سرکار ءِ مزن وزیر شھباز شریف ءَ دوشمبے روچ ءَ چین ءِ سرکاری سواد کُرتگ ءُ گوں چینی باپاریاں بلوچ مڈیانی سودا ءِ سر ءَ گپ جتگ ۔

آئی ءَ گْوشتگ کہ گڈانی ءُ گوادر پراجیکٹ ءِ سرجم کنگ  مئے سرکار ءِ چَہ اولی لوٹاں یکے ۔

پاکستانی اُستان پنجاپ ءِ مزن وزیر ءَ گْوشتگ کہ اے وھدی پاکستان شش ھزار واٹ میگا لین ءِ کمی ءِ دیمپانی کنگ ءَ اِنت اے جاوراں پہ ڈنی سرمایہ داراں پاکستان ءِ انرجی ءِ تک ءَ سرمایہ کاری کنگ ءِ باز جوانیں موہ ھست ۔

آئی ءَ گْوشتگ کہ پاکستان ءَ لین ءِ بھا کنگ ءِ سر ءَ سرمایہ کاراں نہ ایوک ریاستی ضمانت دیگ بیت بلکیں آھاںی سر ءَ نپ ءُ سوتانی وتی ملک ءَ برگ ءِ سر ءَ ھم ھچ رنگیں بندش نہ بیت ۔

آئی ءَ  گْوشتگ کہ چینی سرمایہ داراں پاکستان ءِ تہ ءَ ٹیکسٹائل ءُ گارمنٹس ءِ کارانی تہ ءَ ھم سرمایہ کاری کنگ لوٹ اِیت پرچا کہ آ اُود ءَ پوریات گرانی دز مُز ارزان بوگ ءِ سبب ءَ ایشانی جوڑ کنگ ءِ ھرچ کم بیت ۔

آئی ءَ چینی بینکاں لوٹکی کُرتگ کہ آ پاکستان ءَ وتی برانچ پچ بہ کن اَنت ۔