ڈیرہ بگٹی : بی آر اے ءِ سرمچاراں گیس پائپ لائن تراکینتگ ، گیس لٹ پُل مھتل

ڈیرہ بگٹی : ڈیرہ بگٹی ءِ دمگ پیر کوہ ءَ بی آر اے ءِ سرمچاراں شانزدہ انچ ءِ گیس پائپ لائن گوں شُورواں تْراکینتگ چَہ ایشی ءَ  پیر کوہ پلانٹ ءَ گیس جوڑ بوگ ءِ کار اسرمند بوتگ ءُ چَہ پانزدہ ، شانزدہ ءُ بیست ءُ یک نمبر چاتاں درکپوگیں گیس ، پلانٹ ءَ رسگ بند بوتگ ۔

چَہ بی آر اے ءِ کارروائی ءَ پد زورگریں سیکورٹی فورسزاں میتگ انگیر کُرتگ ءُ شش بے میاریں مردم دزگیر کُرتگ ۔

بی آر اے ءَ  تْراک ءِ ذمہ واری من اِتگ ءُ گْوشتگ کہ بلوچ سرزمین ءِ مڈیانی لُٹ پُل ءِ دیم دارگ بیت ءُ زورگر ھچ وڑ ءَ اجازت دیگ نہ بیت کہ آ بلوچ مڈیاں بہ پُل اِیت ، داں گلزمین ءِ آجوئی ءَ بی آر اے وتی اُرشاں برجاہ دار اِیت ۔