شھرک ککن ءَ زورگریں لشکریانی نوکیں بنجلے جوڑ

کیچ: شھرک کِکن ءَ زورگریں ایف سی ءَ وتی نوکیں بُنجلے جوڑ کُرتگ .

نوکیں بُنجل " حسنین کمپنی ءِ ماڑی "  تہ ءَ جوڑ کنگ بوتگ. پہ ایف سی ءِ نوکیں بُنجل ءَ پنجاہ گاڑی گوں زورگریں لشکری ءُ جنگی ساماناں آرگ بوتگ. زوگرانی گاڑیانی دو آرمی ٹرک ءُ بکتربند ھوار اِنت.

بلوچستان ءَ چَہ زورگرانی نوکیں بنجل جوڑ کنگ ءَ ھمے زانگ بیت کہ آ بلوچستان ءَ مزنیں وڑے ءَ کُشت ءُ کُشار ءَ دلمانگ اَنت .

چَہ شھرک ءَ بُنجل کنگ ءَ پیش زوگریں لشکریاں شھرک ،سامی ءُ ھیرونک ءَ لشکر کشی کُرتگ ءُ مردم آزار داتگ اَنت. اے لشکرکشی ءَ زورگراں چَہ دوازدہ ءَ بُرز مردم آوار جتگ ءُ گس آس مانداشتگ اَنت.