انڈیا: گیس پائپ لائن ترک اِت ، چاردہ مُرت بیست ٹپی

  ریوٹرز ] ۔  آدینگ ءِ روچ ءَ زرباری انڈیا ءِ ریاست آندھرا پردیش ءَ گیس پائپ لائن ءِ ترکگ ءَ چاردہ مردم مُرتگ ءُ بیست ٹپی اِنت ۔ چَہ اے وھیل ءَ ملک ءَ انرجی پروجیکٹسانی تہ ءَ پھازگی کارانی سر ءَ جُستاں سرکشتگ ۔

  پائپ لائن ءَ چَہ ناگرام نامیں کُوچگے ءَ آیوکیں لائن ءَ بن کُرتگ ءُ با ز مردمانی سُچگ ءِ ھال اِنت  ۔ اے رنگیں بازیں پُروجیکٹسانی چَہ مردمای نیمگ ءَ پھازگی بندبست نہ بوگ ءِ سبب ءَ بگیری کنگ بوتگ ۔

'' جاور سک ھراب اِنت ، چاردہ مردم زندکائی ستکگ ءُ بیست نادارجاھاں ٹپی ءُ نپادی اِںت '' اے گپ ریاست ءِ باپاری وزیر یانامالا رامکرشنودو ءَ گوں ریوٹرز ءَ جتگ اَنت ۔ آئی ءَ گیش کُرتگ کہ آس چَہ زور ءَ گیش نہ اِنت ۔

 آدینگ ءِ وھیل ماں انڈیا ءِ انرجی سیکٹر ءَ چَہ اگست دوھزار سینزدہ ءَ بوتگیں وھیلاں چَہ درساں گیش مردم کُش اَت کہ وزگ ، آندھرا پردیش ءَ ھندوستان پٹرولیم کراپ لمیٹڈ ءِ ریفائنری بن گیپتگ اَت ۔

ھندوستان ءِ مزن وزیر نریندر مودی ءَ گْوشتگ کہ ٹپی ءُ مرتگینانی سیاد کمک کنگ بنت ۔ دو لکھ انڈیای رپیہ مرتگیں مردمانی سیاداں ءُ پنجاہ ھزار ٹپاں دیگ چَہ ایشی پٹرولیم منسٹری ءِ نیمگ ءِ کمک ءَ ابید ۔