سعودی عرب ائر لائن ءَ ھم وتی بال پہ پشاور داشت اَنت

پشاور:  سعودی عرب ائرلائن سیمی جھاز بال دئیں شرکت اِنت کہ پہ پشاور ءَ وتی بال ئِے داشتگ اَنت نی داں دیمتر ءِ شَور ءَ سعودی عرب ائر لائن ءِ بالیگ پشاور ائر پورٹ ءَ نہ نند اَنت.

پشاور میان اُستمانی ائر پورٹ ءَ بالیگے ءِ سر ءَ چَہ طالبانانی نیمگ ءَ تیر گواری ءَ پد امارت ءُ قطرائرلائناں ھم وتی بال پہ پشاور ءَ بند کُرتگ اَنت.

چَہ پولیس ءِ نیمگ ءَ پولکاری رپورٹے جوڑ کنگ بوتگ، رپورٹ ءِ تہ ءَ نوشتہ اِنت کہ  ڈنی جوڑ کُرتگیں ایم سیکسٹین گنے پہ پی آئی ءِ بالیگ نمبر پی کے 750 ءِ جنگ ءَ کارمرد بوتگ  ءُ چہ ایشی ءَ سرانوئیں (مسافر)  جنین آدمے مُرتگ ءُ دو پی آئی ءِ کارمند ٹپی بوتگ بالیگ چَہ سعودی شھر ریاض ءَ اَتکگ اَت.