آسر ھچ،ایران وش نائیجریا ناوش

بام ھال:  گوازی کنگ بیت گوں واھگ .بولی گوازی اِنت زور ءُ توان ءِ  پدا کجام گوازی، گوازیانی بادشاھیں گوازی بولی . بوی گوازی ءَ پد گوازی نہ بیت آسر گوازی گر دم ءَ پُر کن اَنت ساڑی بنت پہ آیوکیں گوازی ءَ ءُ اے میان ءَ گپ بیت گوازی چاروک ءُ ٹپاسیانی گْوستگیں گوازیانی درگت ءَ بام ھال ءِ گوازی پڑ ءِ اھوالکار کہ گوں بولی گوازی ءِ جھانی جام ءَ یکشل ءَ گوازی ءِ ھال ءُ ھبراں پہ وانوکاں سرکنان اِنت الم چَہ درساں سر ناں بلئے " شاتیں زبان " ءَ  پہ گوازی ھالانی دیگ ءَ اے چکاسکاری ستا کرز اِنت.

بام اھوالکار فیفا ءِ تندجاہ ءَ ھم سیل دنت ءُ آ اُود ءَ داتگیں چمشانکاں  پہ ما سر کنت. ایران ءِ گوازی پہ مئے وانوکاں ھم دلچسپیں گوازی اَنت.  فیفا ءِ وب سائٹ ءَ ءُ ھم روکپتی بلوچستان ءَ ایرانی گوازی گل " ٹیم ملی " ءِ نام ءَ زانگ بیت.

فیفا ءِ وب سائٹ ءَ سرھال اِنت " ایران ءِ دلجمی پہ نائیجریا ءَ دلوارگی اِنت.  "

ایران ءُ اپریکی ملک گھانا ءِ میان ءَ بوتگیں گوازی پہ جوانیں رنگے ءَ ترتیب بوتگیں ایشیائیاں بدیں پالے نہ اِنت بلئے پہ گوں آئی ءَ گوازی کنوکیں اَپریکیاں چوش نہ اِنت کہ آ چَہ وتی بستگیں واھگاں کمے پشت تر شتگ اَنت. بزاں آ چَر اے گوازی ءِ آسر ءَ دلرنج اَنت .

فیفا ءِ سائٹ ءَ نوشتگیں ھبراں مراد اِنت کہ نائیجیریا ءَ وتی اولی گوازی گوں ایران رنگیں گوازی گلے ءَ کُرتگ ءُ گول کنگ ءَ سوبین نہ بوتگ. ایرانی گوازی گل ءَ وت ھم اے جھد نہ کُرتگ کہ آ نائیجریا ءَ گول بہ جنت بلکیں آئی ءَ گیشتر دیمپانی کُرتگ کہ گول مہ وارت ءُ اے آئیَ سوبمندی اَت کہ گول ئِے نہ وارتگ.