پشاور: بالیگ ءِ سر ءَ تیرگواری جنین آدمے مُرت

پشاور :  پاکستانی بالیگ بال دئیں شرکت پی آئی اے ءِ چَہ ریاض ءَ آیوکیں بالیگ ءِ سر ءَ پشاور ءَ تیرگواری بوتگ چَہ اے تیر گواری ءَ بالیگ ءَ سواریں جنین آدمے مُرتگ دو سرانو [ بالیگی مساپر ]  ٹپی بوتگ ۔

پاکستانی اُستان خیبرپختونخواہ ءِ ھالکاری وزیر شاہ فرمان ءَ گْوں رسانکدر ءَ گْوشتگ کہ  چَہ فاٹا ءَ سئے ءُ چار کلومیٹر ءِ دوری ءَ بالیگ ءِ سر ءَ تیر پیوست بوتگ اَنت ءُ آ وھدی بالیگ ھزار فٹ ءِ برزی ءَ بال ءَ بوتگ چَہ ایشی ءَ پیش رسانکدر ءَ چَہ پی آئی اے ءِ جارچین مشھود تاجور ءِ نیمگ ءَ ھمے ھال داتگ کہ بالیگ ءِ سر ءَ پشاور بالی پٹ ءَ نند گ ءِ وھد ءَ تیر جنگ بوتگ ۔

وزیرشاہ فرمان ءَ تیرگواری ھمے دمگ ءِ ربیدگ ڈس اِتگ  ءُ گوں اھوالکاراں گْوشتگ کہ بالیگ ءَ ھشت کارتوس پیوست بوتگ ءُ ھما دمگ ءَ کہ اے کارکپتگ آ اُود ءَ تیرگواری دود اِنت ءُ مردم پہ شاتکامی سرگواتی تیر جن اَنت بلئے گیشتر ھمے گمان اِنت کہ بالیگ ءِ جند نشانگ کنگ ءُ جنگ بوتگ ۔