یواین ءِ کارگس ءِ دیم ءَ بلوچ راھشونانی ھمدستی پہ راج ءَ مستاگے

جنیوا  : گْوستگیں روچ ءَ  چَہ بلوچ ری پبلکن پارٹی ءِ نیمگ ءَ جنیوا ءَ یونائیٹڈ نیشن بزاں تپاکیں راج ءِ کارگس ءِ دیم ءَ ماں زیردستیں بلوچستان ءَ بلوچانی کشت ءُ کشار ءِ بگیری ءَ زھرشانی کنگ بوتگ ۔

جنیوا ءَ بی آر پی ءِ زھرشانی ءِ تہ ءَ کلیں راجدوستیں سیاسی گلانی جھگیراں بھر زُرت ۔ بی این ایم ءِ ھمل حیدر ءُ بی آر پی ءِ راھشون براھمدگ بگٹی ءَ ابید یواین ءَ بلوچانی جھگیر مھران مری ءُ نورالدین مینگل  ءُ راجدوستی ءِ سنچداریں راھشون  جاوید مینگل ءَ ھم بھر زرت ۔

زھرشانی ءِ تہ ءَ بلوچ راھشوناں دست ماں دست ھکسے شنگ کُرتگ کہ سوشل میڈیا ءَ پہ بلوچاں تیاکی ءُ یکجاھی ءِ کلویے زانگ بوگ ءَ اِنت ۔ چَہ اے ھکس ءَ ھمے پدر بیت کہ بلوچ راھشون گوں یک دومی ءَ سک نزیک ءُ تپاک اَنت ءُ آھانی میان ءَ ھچ رنگیں بگیری ءُ دوری نیست اِنت ءُ اے پہ راج ءَ جوانیں مستاگے ۔