کردستان، پی۔کے۔کے ءِ ارشاں دہ ترک لشکر ءِ کارندہ مُرتگ اَنت

بام: ترکی ءِ ایردستیں کردستان ءَ کرد سلاہ بندیں گل پی۔کے۔کے ءِ ارشاں ترک لشکر ءِ دہ کارندہ مْرتگ اِنت ءُ باز ٹپی اَنت۔

ترک سرکار ءِ گُشگ ءِ ردا ارش ترک شامی سیمسری ھنداں کنگ بوتگ۔ کرد سلاہ بندیں گل پی۔کے۔کے ءِ جنگولاں گوں وتکاریں سلاہ ءُ راکٹاں ترک لشکر ءِ بنجلانی سرا اُرش کْتگ۔ ارش ءِ آسرا ترک لشکر ءِ دہ کارندہ بیران بیتگ اَنت۔

ترک سرکار ءِ ردا جوابی ارشاں پی۔کے۔کے ءِ بیست جنگول بیران بیتگ اَنت۔ پی۔کے۔کے ءِ نیمگ ءَ جنگولانی مرگ ءِ ھال دیم ءَ نیاتکگ۔