مصر ءِ بُرز کدیں ماڑی، ابدمانیں انسانی تاریخ ءِ مانزمانی ءَ کن اَنت

دس سال پیش مصر ءِ بُرز کدیں ماڑیانی بابت ءَ پٹ ءُ پول کنان ءَ امریکی زانتکار ”مارین کلیمنز“ لھتے راستیاں گوں دُچار کپتگ۔ امریکی زانتکار ”مارین‘‘ ءِ ردا آ مصر ءِ ماڑیانی بابت ءَ یک پٹ ءُ پولی کتابے ءَ گوں انچیں عکساں گوں دچار کپتگ کہ اے عکس وت مردم ءَ گیشتر ھیران ءُ ابکہ کن اَنت۔ اے مصر ءِ ماڑیانی سنگانی سرا ھما عکس اَنت یا ھما نکش اَنت کہ سئے ھزار پنچ صد سال پیش ماں مصر ءَ ھمے لکوڑ کارمرز بیتگ۔ زانتکار اے عکسے لکوڑاں Hieroglyph ءِ نام ءَ دینت۔ کوھنیں مصری لکوڑ ءِ تھا ”آپ“ ءُ ٹکانی بدل ءَ عکس کارمرزگ بیتگ اَنت۔ اے انسانی تاریخ ءِ تھا لکوڑ ءِ بُن شون اِنت۔

”مارین“ ءِ ردا عکساں چہ ھمے پدر اِنت کہ لھتے مردم یک رِدا اوشتاتگ ءُ آھاں سادے دست ءَ اِنت۔ ساد میان ءَ ”میکانکی“ رھبندی ءَ گوزیت، گوات ءَ (مُرگ ءِ ھم دروشمیں) چیزی ءَ گوں ھمگرنچ بیت۔ مارین ءِ ردا اگاں اے مُرگ ءِ عکس اِنت تہ ایشی ءِ دراجی باز کم اِنت ءُ بانزلانی براھی باز دراج اَنت۔ امریکی زانتکار مارین ءِ دیم ءَ آؤرتگیں اے پٹ ءُ پول ءَ چہ زانتکار گیشتر ابکہ ءُ ھیران کُتگ اَنت ءُ آھانی ذھنانی تھا پریشانی ود اِتگ۔۔۔

بلے نوکیں سائنسی دور ءَ اے گپ ءِ راستی تاں روچ ءِ مروچی پدر کُت نہ کُتگ کہ مصری ابکہ کنوکیں ماڑی چتور ءُ چون ءُ چونیں وسیلتانی کمک ءَ جوڑ کنگ بیتگ اَنت۔