واشنگٹن : حقانی نیٹورک ءِ درگت ءَ بل ءِ سر ءَ اوباما ءِ دزرند

واشنگٹن : امریکہ ءِ صدر باراک حسین اوباما ءَ حقانی نیٹورک ءِ درگت ءَ بلے ءِ سر ءَ دزرند جتگ ۔
بل ءِ منگ ءَ پد امریکہ ءِ ڈنی کارانی وزیر ھیلری کلنٹن حقانی نیٹورک ءَ دھشت گرد نامینگ ءِ درگت ءَ کانگریس ءَ ھال کنت ۔
اے بل چَہ امریکن گانگریس ءُ سینٹ ءِ منگ ءَ پد صدر اوباما ءِ سر ءَ پہ دزرند ءَ دیم دیگ بوتگ اَت ۔
بل ءِ تہ ءَ چَہ امریکی وزیر خارجہ ءَ جست کنگ بوتگ کہ آیا  حقانی نیٹورک وتی سرگرمیانی سبب ءَ دھشت گرد نامینگ بوت کنت یا ناں ۔ 

امریکای وزیر ھلیری کلنٹن سی روچ ءِ تہ ءَ کانگریس ءَ وتی ھال ءَ رسین اِیت ۔ امریکہ ءَ حقانی نیٹورک ءِ بازیں سروک دھشت گرد نامینتگ بلے سرجمیں نیٹورک ءِ جیڑہ امریکہ ءَ مانگیش اِتگ امریکہ ءِ ڈنی کارانی وزیر ءِ ھال ءَ پد اے درتگ ءَ ھبربندی بیت ۔
زانگ لوٹ اِیت کہ حقانی نیٹورک پاکستان ءِ چیردستیں دمگاں سرگرم اِنت ءُ امریکہ ءَ بازیں مردمانی ھمے ھیال اِنت کہ پاکستانی چیریں ادارہ  آئی ایس آئی  حقانی نیٹورک ءِ پشت اِنت پمیشکا حقانی نیٹورک ءِ دھشت گرد نامینگ ءَ پد آئی ایس آئی ءِ سر ءَ ھم زور کئیت کہ آ گوں حقانی نیٹورک ءَ وتی نزیکیاں ھلاس بہ کنت ۔