گوادر : پلیری ءَ پاکستانی لشکریاں پہ جھدکارانی شوھاز ءَ بیڑ برتگ
Wednesday, August 22, 2012
گوادر : پشوکان ءُ گوادر ءِ میان ءَ کوچگ پلیری ءَ پاکستانی چیریں ادارھاں لشکرکشی کرتگ ۔
پاکستانی چیریں ادارہ پلیری ءَ بلوچ نیشنل موومنٹ گوادر ھنکین ءِ کمک کارمستر ءُ باسکے ءِ شوھاز ءَ اَتکگ اَنت ۔
بیست ءُ دو اگست ءِ شپ ءِ اولی پاساں پلیری ءِ سر ءَ اُرش کنوکیں پاکستانی چیریں ادارھانی کارنندہ وتی ھندی چاریگ ءُ دلارے ءِ کمک ءَ میتگ ءِ تہ ءَ پترتگ اَنت ءُ بی این ایم ءِ جھدکارانی نام گیپتگ ءُ لوگانی نشان جست کرتگ ۔
پٹ ءُ پول ءِ میان ءَ پاکستانی لشکریاں دگ ءِ نزیک ءَ نندوکیں لھتیں بچک ءُ ورنا جتگ ءُ بی این ایم ءِ جھدکارانی درگت ءَ جست کرتگ ۔ پاکستانی لشکریانی چاریگیں بلوچ دلار ءَ دموکا بستگ اَت ءُ وتی واھنداں بلوچ جھدکارانی لوگانی نشان داتگ ۔
بلوچ جھدکار لوگ ءَ نہ بوگ ءِ سبب ءَ چَہ دزگیری ءُ بیگواھی ءَ رک اِتگ اَنت ۔ گوادر ، پلیری ، پشوکان ءُ کر ءُ گْور ءِ کوچگانی سر ءَ پاکستانی لشکرکشی ءُ بیڑ نوکیں ھبرے نہ اِنت ماھے پیش پشوکان ءَ کوسٹ گارڈ ءِ بنجلے ءِ سر ءَ بلوچ سرمچارانی اُرش ءَ کوسٹ گارڈ ءَ ھمبستگیں پانزدہ زورگریں لشکریانی مرگ ءَ پد پاکستانی چیریں ادارہ ءُ لشکریاں پلیری ءُ پشوکان ءِ مردمانی دلسیاہ کنگ ءُ ترسینگ ءِ گامگیج گیش کرتگ اَنت ۔
پشوکان ءَ اے ھبر چَہ سرمچارانی اُرش ءَ پد ڈھنڈور اِنت کہ زورگریں لشکری پشوکان ءُ نزیک گْور ءِ میتگاں مزنیں گر ءُ دار ءُ لشکرکشی ءِ چنلانچ کنگ ءَ اَنت پلیری ءَ بوتگیں اُرش بوت کنت کہ ھمے لشکرکشی ءِ دْرچ ءِ بندات بہ بیت ۔
چَہ پاکستانی زورگریں لشکریانی ھمروچگیں بیڑ ءُ اُرش ءَ ھندی مردم سک دلوارگ ءُ پریشانیانی آماچ اَنت ۔ چَہ زورگرانی چست ءُ ایراں ھما مردم کہ زند ءِ ھمروچیگیں کاراں دزگٹ اَنت گیشتر بے تاھیر اَنت ءُ میتگ ءُ بازارانی تہ ءَ یک بیم ءُ ترسے ءَ جاہ کرتگ ۔ چَہ زورگریں لشکر ءَ گیش مردم چَہ ملکی دلار ءُ چاریگانی کارپداں بے تاھیر اَنت کہ پہ چار کلدار وتی براتانی ھون ءَ بھا کنگ ءَ اَنت ۔
پاکستانی چیریں ادارہ پلیری ءَ بلوچ نیشنل موومنٹ گوادر ھنکین ءِ کمک کارمستر ءُ باسکے ءِ شوھاز ءَ اَتکگ اَنت ۔
بیست ءُ دو اگست ءِ شپ ءِ اولی پاساں پلیری ءِ سر ءَ اُرش کنوکیں پاکستانی چیریں ادارھانی کارنندہ وتی ھندی چاریگ ءُ دلارے ءِ کمک ءَ میتگ ءِ تہ ءَ پترتگ اَنت ءُ بی این ایم ءِ جھدکارانی نام گیپتگ ءُ لوگانی نشان جست کرتگ ۔
پٹ ءُ پول ءِ میان ءَ پاکستانی لشکریاں دگ ءِ نزیک ءَ نندوکیں لھتیں بچک ءُ ورنا جتگ ءُ بی این ایم ءِ جھدکارانی درگت ءَ جست کرتگ ۔ پاکستانی لشکریانی چاریگیں بلوچ دلار ءَ دموکا بستگ اَت ءُ وتی واھنداں بلوچ جھدکارانی لوگانی نشان داتگ ۔
بلوچ جھدکار لوگ ءَ نہ بوگ ءِ سبب ءَ چَہ دزگیری ءُ بیگواھی ءَ رک اِتگ اَنت ۔ گوادر ، پلیری ، پشوکان ءُ کر ءُ گْور ءِ کوچگانی سر ءَ پاکستانی لشکرکشی ءُ بیڑ نوکیں ھبرے نہ اِنت ماھے پیش پشوکان ءَ کوسٹ گارڈ ءِ بنجلے ءِ سر ءَ بلوچ سرمچارانی اُرش ءَ کوسٹ گارڈ ءَ ھمبستگیں پانزدہ زورگریں لشکریانی مرگ ءَ پد پاکستانی چیریں ادارہ ءُ لشکریاں پلیری ءُ پشوکان ءِ مردمانی دلسیاہ کنگ ءُ ترسینگ ءِ گامگیج گیش کرتگ اَنت ۔
پشوکان ءَ اے ھبر چَہ سرمچارانی اُرش ءَ پد ڈھنڈور اِنت کہ زورگریں لشکری پشوکان ءُ نزیک گْور ءِ میتگاں مزنیں گر ءُ دار ءُ لشکرکشی ءِ چنلانچ کنگ ءَ اَنت پلیری ءَ بوتگیں اُرش بوت کنت کہ ھمے لشکرکشی ءِ دْرچ ءِ بندات بہ بیت ۔
چَہ پاکستانی زورگریں لشکریانی ھمروچگیں بیڑ ءُ اُرش ءَ ھندی مردم سک دلوارگ ءُ پریشانیانی آماچ اَنت ۔ چَہ زورگرانی چست ءُ ایراں ھما مردم کہ زند ءِ ھمروچیگیں کاراں دزگٹ اَنت گیشتر بے تاھیر اَنت ءُ میتگ ءُ بازارانی تہ ءَ یک بیم ءُ ترسے ءَ جاہ کرتگ ۔ چَہ زورگریں لشکر ءَ گیش مردم چَہ ملکی دلار ءُ چاریگانی کارپداں بے تاھیر اَنت کہ پہ چار کلدار وتی براتانی ھون ءَ بھا کنگ ءَ اَنت ۔
Comments[ 0 ]
Post a Comment