کراچی : دو ورنا عبدالجلیل ءُ عبدالصبور پولیس دزگیری ءَ پد بیگواہ

کراچی : بلوچی زبان ءَ ھال ءُ ھبر شنک کنوکیں وش نیوز ٹی وی ءِ پروڈیوسر رزاق سربازی ءِ برات عبدالجلیل ءُ آئی ءِ سنگت عبدالصبور پاکستانی چیریں ادارھاں پولیس کمک ءَ چَہ گارڈن باگیچہ ءِ دیم ءَ  ءَ دزگیر کنگ ءَ پد بیگواہ کرتگ اَنت ۔
وش نیوز ءِ ھالانی رِد ءَ یازدہ اگست ءَ عبدالجلیل ءِ موٹرسائیکل چَہ گارڈن ءِ پارکینگ ءَ دست کپتگ چم دیستگیں مردمانی گْوشگ اِنت عبدالجلیل ءُ آئی ءِ سنگت عبدالصبور پولیس ءِ گاڑی ءَ سواریں کارنندھاں دزگیر کرتگ اَنت ۔ پولیس ءِ گاڑی ءِ پجیگ ءَ دگہ یک اسپیتیں کار گاڑی یے ھم گون بوتگ  ، گمان ھمیش اِنت کہ اسپیتیں کار پاکستانی چیریں ادارھانی بوتگ ۔
اے درگت ءَ رزاق سربازی ءَ گوں وش ٹی وی ءَ گپ جنان ءَ گْوشتگ کہ وھدے دوئیں سنگت دبوج ءَ لوگ ءَ سر نہ بوتگ اَنت  آھانی سر ءَ فون کرتگ بلے آھانی فون بند بوتگ اَنت چَہ ایشی ءَ ما پریشان بوتگ اِیں ءُ آھانی شوھاز بنا کرتگ ۔
عبدالجلیل ءُ عبدالصبور ءِ بیگواھی ءِ ھال چاکیواڑہ تھانہ ءَ نویسگ بوتگ ءُ اے رِد ءَ کراچی ءِ توامیں راھبند پرینوکیں ادارہ جست کنگ بوتگ اَنت بلے  چَہ آھاں کس ءَ دوئیں ورناھانی دزگیری نہ منگ اِتگ ۔