شال : ڈاکٹر غلام رسول چَہ بروری روڈ ءَ آوار

شال : پجارگ نہ بوتگیں گاڑی تاچاں تپنگ ءِ زور ءَ تب زانتیں ڈاکٹر غلام رسول چَہ بروری روڈ ءَ آوار جتگ ۔ 

ھالانی رِد ءَ چد ءُ پیش ھم ڈاکٹر غلام رسول آوار جناں آوار جنگی کرتگ بلے سوبمند نہ بوتگ اَنت ءُ چَہ پولیس ءِ تیرءَ یک آوار جنے مرتگ ۔ 

دیر اِنت چَہ پجارگ نہ بوتگیں مردمانی نیمگ ءَ ڈاکٹر غلام رسول ءَ یکشل ءَ بیھار دئِگ بوگ ءَ اِنت ۔ اے ھال ءِ رسگ ءَ پد میڈیکل ایسوسی ایشن بلوچستان ءَ اشتاپی دیوانے لوٹائینتگ ۔ 

شال ءَ ڈاکٹرانی آوار جنی ھمروچگیں کارے جوڑ بوتگ ، زیکیں روچاں ڈاکٹراں وتی زھرشانی سرجن دین محمد ءِ دراھی ءَ پد آسرینتگ ءُ تاھیر اِت اَنت کہ یک دگہ ڈاکٹرے ءِ آوار جنگ ءِ ھال اَتک ۔