گوادر : زورگریں لشکریاں بازیں بلوچ پسگ دزگیری ءَ پد بیگواہ کرتگ
Monday, July 16, 2012
گوادر : ھال اِنت کہ زورگریں ریاست ءِ لشکریاں شپ ءِ نیم ءَ گوادر ءِ بازیں کوچگ ءُ بازاراں لوگانی تہ ءَ دور کرتگ ءُ بازیں بلوچ پسگ دزگیر کنگ ءَ پد بیگواہ کرتگ اَنت ۔ اے ھال بی یوسی ءِ وبتاک ءَ شنگ بوتگیں بی ایس او آزاد ءِ بیان ءِ تہ ءَ کنگ بوتگ ۔ بی ایس او ءَ پاکستان ءِ سر ءَ ایراد گْران ءَ گْوشتگ کہ پاکستان وتی پنڈوگریں فوج ءِ زور ءَ بلوچ مھلوک ءِ سر ءَ کاربندان آھاں ترسینگ ءِ بے مرادیں جھد ءَ دزگٹ اِنت داں آ تْرسینگ ءُ چَہ راج آجوئی جھد ءَ دور کنگ بہ بنت بلے دپتر گْواچن اِنت کہ زورگرانی ھچ رنگیں پندل ءُ کارپد لگتمالیں راجانی زْرمبش ءِ دارگ ءَ سوبمند نہ بوتگ بلکیں آھاں شُورینگ ءُ بالینگ ءِ سبب جوڑ بنت ۔ زورگر ستر زور ءُ جبر بہ کنت بلوچانی چَہ آھانی دزچیری ءَ درکپگ ءِ ھبربندی مھکم اِنت ءُ اے جنگ بلوچ راج ءِ باج ءُ زورگر ءِ پْروش ءَ گوں ھلاس بیت ۔ جارکش ءَ گْوشتگ کہ بلوچ گلزمین ءِ سر ءَ برجاھیں توامیں زور ءُ جبر ءُ انسانی حقانی لگتمالی ءِ سر ءَ میان اُستمانی تک ءِ بے تواری ھم بزانتدار اِنت وھدے کہ جاور اِیش اِنت اے ھبر سرجمیں دنیا ءِ دیم ءَ پاشک بوتگ کہ پاکستان ءَ نہ ایوک تپنگ ءِ زور ءَ بلوچستان داشتگ بلکیں آئی ءِ ھستی پہ سرجمیں زرباری ایشیاءُ کلکیں جھان ءَ یک ترسے جوڑ بوتگ بلے پدا ھم پہ وتی لباں میان اُستمانی واکدار پاکستان ءِ کُلیں دھشت گردیانی پسو ءَ بے توار اَنت کہ آھانی انسانی حقانی پھریزکار بوگ ءِ ڈاہ ءَ رَد کنت۔
Comments[ 0 ]
Post a Comment