شال : ڈائریکٹر ابرار حسین ءِ سر ءَ اُرش ، اُرشی جوابی اُرش ءَ مرت

شال : وانگی تک [ محکمہ تعلیم ]ءِ کارگس ءِ دیم ءَ پجارگ نہ بوتگیں سلاھبنداں وانگی تک ءِ کمک ڈائریکٹر سید ابرار حسین شاہ کہ گوں وتی اسپیتیں گاڑی ءَ ڈرائیور ءُ پھریزکار ءِ ھمراہ کارگس ءَ سر بوتگ اَت کہ دروازگ ءِ دپ ءَ چَہ پیسر ءَ اُوشتاتگیں سئے سلاھبندانی تہ ءَ یکے ءَ آئی ءِ سر ءَ تیرگْواری کرت ،تیرے سید ابرار حسین شاہ ءِ دلبند ءَ لگ اِتگ ۔ پھریز کار [ گن مین ] ءِ جواب ءَ تیرگْواری کرتگ چَہ ایشی ءَ اُرشی جاہ پہ جاہ مرتگ ءُ دگہ دو کس کہ موٹر سائیکل ءَ سوار بوتگ اَنت تچگ ءَ سوبمند بوتگ اَنت ۔ چَہ اُرشی ءَ دو پستول ءُ موبائلے ھم دز کپتگ ۔