ڈیرہ بگٹی ءَ ”گیس پائپ لائن” تراکینگ بوتگ

بام: ایردستیں بلوچستان ءِ دمگ ڈیرہ بگٹی ءَ ناشناسیں مردماں ”مین پلانٹ” ءَ رؤکیں ھشت اَنچ ءِ گیس پائپ لائن گوں تراکناکیں شورھاں تراکینتگ۔ھالانی ردا ماں ڈیرہ بگٹی ءَ چات 41 ءَ چہ پلانٹ ءَ رؤکیں ھشت انچ ءِ لائن ناشناسیں مردماں گوں تراکناکیں شورھاں تراکینتگ کہ چر ایشی ءَ چہ پلانٹ ءَ گیس ءِ سر بیئگ بند بیتگ۔ دومی نیمگ ءَ ماں پنجگور ءَ ایف۔سی کیمپ ءِ نَزّیک ءَ پاکی لشکر ءِ کارندھے یے لاش دزکپتگ کہ لاش ایف۔سی ءَ گوں وت بُرتگ۔ دنیگہ اے گپ زانگ نہ بیت کہ مُرتگیں کارندہ ءَ سرمچارانی تُرس ءُ ذھنی نادراھانی سوب ءَ وت کُشی کُتگ یا بلوچ سرمچارانی نیمگ ءَ کُشگ بیتگ۔ وھدیکہ ماں بلوچستان ءِ دمگ سونمیانی ءَ نیوکلئیر انرجی سنٹر ءِ ماڑی ءِ سرا اُرش ءِ ذمہ واری بلوچ سلاہ بندیں گَل ”لشکر بلوچستان” ءَ من اِتگ۔ جارکش ءِ ردا چر ایشی ءَ چہ ماڑی ءُ تہ ءِ کار کنوکیں کارندھاں تاوان رَستگ۔