گیشتر وانگ بوتگیں
شھید یاسر جان ءِ اولی سالروچ،
Thursday, March 08, 2012
بام: مرچی بلوچ نوگلیں شھید یاسر جان ءِ اولی سالروچ اِنت۔ یاسر جان یک بلوچ نودربر ءُ ورناھیں شاعرے اَت ھم، بلے آ ڈیھ ءِ ایردستی ءُ راج ءِ بزگی ءُ درتہ پُچی یے رنجاں یک انچیں ”سنج نکشیں” راھبندے ءِ راھی کُت کہ عکسانی چیدگ جوڑ بوت۔ نو ھمے رھبند اِنت کہ ھمک بلوچ ورناہ وشیں بانداتے یے اُمیت ءَ شکّلیں ھونانی وشبوآں زریت۔
شھید یاسر جان ءَ پہ وت ھمے راہ گچین کُت۔ بلے آئی ءَ نہ زانت کہ منی ھمرازیں سنگت ھم دُژمنی پندلانی دام ءَ کپیت ءُ باجو جوڑ بیت ءُ رازاں دُژمن ءَ سر کنت۔ بلے اے نوکیں کسّہ نہ اَنت۔ اے باجوئی کار ءُ کارست ھر دؤر ءُ ھر زمانگ ءَ بلوچ راجدپتر ءَ گوں بدیں کار ءُ کرداں است بیتگ اَنت۔ ھمے باجوئی کارست اَنت پہ برات ءِ کوش ءَ گوں عھد ءِ دُژمن ءَ ھوار کپتگ اَنت ءُ شگانی اَنت۔ بلوچ ءِ جوریں شگان چو کارچ ءَ ھر دور ءُ ھر زمانگ ءَ آھانی دلاں مِک بنت ، پمیشا بیدار گُشیت۔
آ کہ دروہ اَنتیں ماں راہ ءِ نیم ءَ
چو "بروٹس" ءُ "باجو" ءِ پئیم ءَ
زاناں کہ ھمراہ نہ اَنت دوستیں
چو "بروٹس" ءُ "باجو" ءِ پئیم ءَ
زاناں کہ ھمراہ نہ اَنت دوستیں
ما چہ بام ھال ءِ نیمگ ءَ بلوچ نوگلیں شھید یاسر جان ءَ ھزار سلام گُشیں کہ آئی ءَ ورناھی ءِ بھاریں روچان پہ ھمے بزگیں راج ءِ وشیں باندات ءِ باندات ءِ ھاترا وتی گھگیریں سر ندر کُت ءُ نمیران بوت۔ ما دومى نيمگ ءَ همے باجوئی کرد ءُ کارستاں ھمینکہ ایر بہ جنیں کم اِنت۔
Comments[ 0 ]
Post a Comment