سندھ ءَ دو ”بجلی ٹرانسمیشن” تراکینگ بیتگ اَنت۔

کراچی: ھالانی ردا پاکی ایردستں ملک سندھ ءَ دو بجلی ءِ ٹرانسمیشن ناشناسیں مردماں گوں تراکناکیں شورھاں تراکینتگ اَنت۔ دنیگہ ھچ گل ءَ اے ذمہ واری وتی سرا نہ زُرتگ۔ گوستگیں روچاں ماں سندھ ءَ ریل گاڑی دگ ءِ سرا چاردہ تراک بیتگ اَت کہ ذمہ واری سندھی سلاہ بندیں گل ”سندھو دیش لبریشن فرنٹ” ءَ من اِتگ اَت۔ وھدیکہ سندھی راجدوستیں رھشونانی ردا سندھ یک آجوئیں مُلکے بیتگ ، 1945 ءَ سامراج ءَ یک منگ نامہے یے نام ءَ سندھ ءِ آجوئیں بستار  ھتم کُتگ ءُ پدا پاکی وتگڑیں استان ءِ جوڑ بیئگ ءَ پد سندھ غلام دارگ بیتگ ءُ سندھ ءَ درامدیں مھلوک آرگ ءُ نندارینگ بیتگ اَنت۔ سندھی مھلوک راجہ داھر ءَ یک راجی بامردی سرپد بنت ءُ محمد بن قاسم ءَ یک دُزی ءُ شپکی یے نام ءَ یاد کن اَنت۔ وھدیکہ پاکی وتگڑیں استان محمد بن قاسم ءَ یک بامردی سرپد بنت کہ ایشی ءَ ھزار سندھیانی کُشت ءُ کوش کُتگ ءُ سندھی زھگ ءُ زالبولانی شرپ لگتمال کتگ۔ ”سندھو دیش لبریشن فرنٹ” ءَ اے جار ھم جتگ کہ وتگڑیں پاکی فوج، کارگس ءُ ادارھانی سرا تاں سندھودیش ءِ آجوئی ءَ مئے ارش جاری بنت۔