پہ بلوچ راج ءَ بلوچی زبان ءَ ھال شنگ کنگ بہ بنت۔ واجہ ڈانا روھرا باکر
Thursday, March 22, 2012
نوکیں ھال: امریکی سنیٹر، بلوچ راجی وتواکی ءِ پلہ مرز واجہ ”ڈانا روھراباکر” ءَ ”ریڈیو فری ایشیا”(RFA) ءَ نمدی نویسان ءَ گُشتگ کہ پہ بلوچ راج ءَ آھانی ماتی زبان بلوچی ءَ ھال شنگ کنگ بہ بنت۔ بلوچ ایرانی ءُ پاکی ایردستیں بلوچستان ءَ نشتگیں راجے کہ آھانی زبان بلوچی اِنت۔ آئی ءَ گُشتگ پاکی سرکار ءَ بلوچ راجدوستاں ٹارچر کنگ ءَ پد شھید کنگ اِنت ءُ آھانی راجی وتواکی ءِ حق ءَ منگ ءَ تیار نہ اِنت۔ بلے پاکستان ءَ ھر وڑا بلوچ راجی وتواکی ءِ حق منّگ کپیت۔
آئی ءَ گُشتگ پاکستان ناشرکاری یے نام ءِ سرا چہ امریکا ءَ ملین آنی ھساب ءَ ڈالر زورگ اِنت بلے آ امریکی نپانی ھاترا ھچ وڑیں گامگیج زیرگ ءَ نہ اِنت ءُ آئی ءِ سیادی گیش ءَ چہ گیش کمیونسٹ چائنا ءِ گُما اَنت۔
آئی ءَ گُشتگ اگاں پاکی چیریں دست امریکا ءِ نپانی ھلاپ ءَ کار ءَ اَنت۔ امریکا اگاں وتی لوٹانی پدا ماں ایشیا ءَ جوانیں گامگیجی زورگ لوٹیت تہ مارا اے گپ ءِ پلہ مرزی کنگی اِنت کہ پہ بلوچ راج ءَ آھانی ماتی زبان بلوچی ءَ ھبر ءُ ھال شنگ کنگ بہ بنت۔ اگاں ریڈیو فری ایشا ءَ ماں بلوچی زبان ءَ ھال شنگ کنگ بہ بیت۔ تہ اے کار پہ ما سیتداریں گپے۔ جوانیں گامگیجی بیت کنت۔۔
آئی ءَ گُشتگ بلوچ راج ءَ وتی فیصلہ وت کنگ ءِ ھاترا راجی وتواکی ءِ حق است اِنت کہ چر آھاں اے حق پاکی سرکار ءَ پُل اِتگ۔ آئی ءَ گُشتگ کہ شکیل آفریدی ءَ ھم امریکی کانگریس ءِ نیمگ ءَ گولڈ میڈل ھم دیگ بہ بیت کہ عالمی ناشرکار اسامہ بن لادن ءِ کوش ءَ شکیل آفریدی ءِ جوانیں کردی بیتگ۔
Comments[ 0 ]
Post a Comment