بلوچ نوجوان دُژمن استان ءِ پنچ ھزار ءِ نوکری ءَ چہ سر بہ گوزاَنت او آجوئی ءِ جنگ ءَ ھوار بہ باں۔بی۔ ایل۔ اے
Saturday, January 14, 2012
پسنی: بلوچ سلاہ بندیں گل بی۔ایل۔ اے ءَ بلوچ راج ءَ کلوہ دیان ءَ گوشتگ کہ نوجوان بلوچ دُژمن پنجابی استان ءِ پنچ ھزار ءِ نوکری کنگ ءَ چہ ابئید گس ءَ بہ ننداَنت او ھُشکیں نان ءِ ٹکری بوراں تا باز جوانتر اِنت۔ ماں پسنی ءَ بی۔ایل۔ اے ءِ نیمگ ءَ شنگ بیتگیں پمفلٹ ءِ تھا گوشگ بیتگ کہ ماں بلوچستانِءِ تیابی دمگاں دُژمن ءَ ھزاراں ورناہ آوار جتگ ءُ پدا آھانی جتگ ءُ چپتگیں لاش ماں ویرانیں دگاں دؤر داتگ اَنت۔او دنیگہ اے لڑ برجاہ اِنت۔ پمفلٹ ءِ تھا گوشگ بیتگ کہ دانکہ ماں بلوچستان ءَ آجوئی یے جنگ بندات بیتگ تا دُژمن ءَ ھزاراں بلوچ آوار جتگ ءُ روچ ءِ مروچی بازیں ورناہ دُژمن ءِ زندانانی تھا وڑ وڑیں غیر انسانی ٹارچر دیگ بیئگ ءَ اَنت او بازیں ورناہ شھید بیتگ اَنت، بلے ورناھاں تا انگت دُژمن ءِ دیم ءَ وتی سر جھل نہ کُتگ ، نو دُژمن ھم الم زانگیں کہ بلوچستان ءِ آجوئی دیر نہ انت۔لھتے ورناہ بس وتی جان بخشی یے ھاترا پاکی ادارہانی تھا نوکری ءَ دلمانگ اَنت او دانکہ دُشمن پوہ بہ بیت کہ آ آجوئی جنگ ءَ گون نہ اَنت، بلے آ اے گپ ءَ بہ زاننت کہ دُژمن بس یک غلامی یے بستار ءَ آھاں پجاہ کاریت۔ او ما اے گپ ءَ ھم سرپدیں کہ لھتے مردم گوں دُژمن ءَ ھوار کپتگ اَنت ءُ بلوچ ورناھاں نوکری کنگ ءِ سکین ءَ دیگ ءَ اَنت، او ما آھان گوشگ لوٹیں کہ وتی کار ءَ یل بہ کناں ، اگاں ناں گُڑا چوشیں بلوچ دُژمن بخشگ نہ بنت،
Comments[ 0 ]
Post a Comment