دری دُنیا ءُ امریکا ءِ ماں بلوچستان ءَ انسانی حقانی ھلاپ ورزی ءُ بلوچ ورناھانی آوار جنگ ءُ گار ءُ بیگواہ کنگ ءِ سرا دلپدردی یے درشان کنگ ءَ پاکی قبضہ گیریں استان باز گنوکیانی آماچ کُتگ۔ خيربيار مرى
Saturday, January 28, 2012
لندن: بلوچ راجدوستیں رھشون واجہ خیر بیار مری ءَ بیان دیان ءَ گوشتگ کہ پاکی استان ماں دُنیا ءِ دیم ءَ بلوچ راجی جنز ءِ بدنام کنگ ءِ ھاترا در مُلکی آں آوار جنائین ایت ءُ یک تیرے ءَ دو شکار کنگ ءِ جُہد ءَ اِنت۔ پاکی استان دری دُنیا ءِ زور دیگ ءِ ھاترا او دُنیا ءَ ھمے نشوندھی ءَ دیگ لوٹیت کہ ماں بلوچستان ءَ دری مردمانی آوار جنی ءَ بلوچ ھوار انت۔ دانکہ دری دُنیا بلوچ راج ءِ سرا زُلم ءُ زوراکی یے ھلاپ ءَ توار چِست مہ کنت ءُ ھما بلوچ کارندہ کہ دری مُلکاں کار ءُ اَنت ، آھانی سرا سیاسی پابندی بہ لَگّ ایت۔ ایشی یے پدریں درور ماں ژوب ءَ سوئس جن ءُ مرد ءُ ماں کوئٹہ ءَ برطانیہ ءِ جاہ منندیں ڈاکٹر خلیل ءِ آوار جنگ اِنت کہ اے طالبانی( ملایاں) وتی واجہ کار پاکستان ءِ گُشگ ءَ آوار جتگ اَنت۔ واجہ خیربیار ءَ گُشتگ کہ پاکی چیریں دست آئی۔ایس۔آئی ءُ ایم۔آئی بلوچ راجی جُنز ءِ ماں عالمی تکاں نام کشگ ءَ باز پرشان اَنت۔ دری دُنیا ءُ امریکا ءِ ماں بلوچستان ءَ انسانی حقانی ھلاپ ورزی ءُ بلوچ ورناھانی آوار جنگ ءُ گار ءُ بیگواہ کنگ ءِ سرا دلپدردی یے درشان کنگ ءَ پاکی قبضہ گیریں استان باز گنوکیانی آماچ کُتگ۔ عالمی دروازگانی دپ ءَ بلوچ راجی لیکہ ءِ توار ءَ پاکی ایجنسی باز ناوار کُتگ اَنت نو آ وتی دُز ءُ ھرابکاریں ٹولیاں فرمایگ ءَ اَنت کہ آ سوادیاں، ھالکاراں آوار بہ جن اَنت، دانکہ ھما مُلکاں کہ بلوچ جاہمنند اَنت ، آ ھما مُلکانی سرا زور بِدیاں۔ پاکستان ءَ مدام ماں دری مُلکاں جاہ منندیں بلوچانی سرا دنتان دُرشتگ۔ بلے دری مُلکاں پاکستان ءِ گپانی سرا ھچ وڑیں دلگوش نہ داتگ۔ نو پاکستان درمُلکیاں آوار جنت ءُ اے بُھتامءَ بلوچانی سرا دیگ ءِ جُہدا اِنت۔ پاکستان ءَ ھر وھد ءَ دری مُلکانی جاہ منندیں بلوچانی بابت ءَ اود ءِ سرکاراں ردیں معلومداری داتگ۔ دانکہ آ بلوچاں چہ وتی حقانی ھاترا جِدو جُہد ءَ عالمی تکاں آھانی سرگرمیاں بداریت۔ پاکستان کہ عالمی دُنیا ءَ وتی ناشرکاریانی لَٹ ءِ سرا دارگ لوٹیت، اے گپ ءَ بیھال اِنت کہ اے استان وت امریکا ءُ چائنا ءُ دگہ مُلکانی گورا پنڈاِتگیں زرانی سرا زندگیں۔ افغانستان ءَ وتی دست ءِ چیر ءَ آرگ ءُ پہ ناشرکاری یے ھاترا کارمرز کنگ ءِ پاکستانی سِلکاریانی واھگ ھما وھد ءَ پُرشتاں کہ وھدیکہ دُنیا ءَ پاکستان ءِ دوتل ءُ دوپوستی مار اِت ءُ میڈیا ءَ شنگ کُت۔بلوچ رھشون ءَ گُشتگ، امریکا نو باز جوانیں وڑی ءَ پاکستان ءِ دوتل ءُ دوپوستیاں ءُ بلوچستان ءِ جاوراں زانگ اِنت۔ امریکا ءِ ایوانانی تھا بلوچستان ءِ آزادی یے گپ اے گپ ءِ پدریں ثبوتے۔ نوکیں لڑبندی یے تھا بلوچستان ءِ بستار ءِ نہ منّگ پہ عالمی مُلکاں ناممکن ایں گپے جوڑ بیتگ۔ آئی ءَ گُشتگ من اے گپ ءَ یک رندی پدا گُشگ لوٹاں کہ پاکستان ءَ نہ ایوک ءَ شش سالیں بلوچستان ءِ سرا پہ زور قبضہ کُتگ ، بلکیں پاکی استان ءِ نیمگ ءَ ماں بلوچستان ءَ بد تریں انسانی حقانی ھلاپ ورزی بیتگ ءُ جاری اِنت۔پاکستانی فوج ءُ چیریں ایجنسی ھر ھما بلوچ ورناہ ءُ پیر ، زھگ ءُ زالبولاں چِست کنت ءُ کُشیت کہ آ وتی راجی حق ءُ آجوئی یے گپ ءَ جنت۔ اے یک پدریں گپے کہ امریکا ءِ نائن الیون ءِ ارش بہ باں یا برٹش سیون،سیون ءِ ایشانی تھا وڑی ناں وڑی پاکستان ءِ دست ھوار اِنت۔ ماں اوغانستان ءَ ھزاراں درمُلکی فوجی ءُ اوغانیانی کُشت ءُ کوش ءَ ھم پاکستان ءِ دست ھوار اِنت۔ پاکستان اسلام ءِ نام ءِ سرا دری دُنیا ءَ ریپینگ ءَ اِنت ۔ بلے اے راستی ھما وھد ءَ پدر بوت کہ پاکی اسلامی فوج ءَ ھزاراں بنگالی مسلمان مات ءُ گھارانی عزت پادمال کُت۔ بلوچ یک سیکولر ءُ امن دوستیں راجی او ما دُنیا ءَ اے نشوندھی ءَ ھم دیگ لوٹیں ما آزادی ءَ پد ایٹمی ءُ دگہ انسان کُشیں سلاھانی شنگ کنگ ءِ میدان ءَ ھور نہ بئیں۔ بلوچ رھشون ءَ گُشتگ بلوچستان چہ مال ءُ مڈیاں چکاریں سر زمینے۔ بلے مرچی بلوچ راج دُنیا ءِ غریب تریں راج جوڑ کنگ بیتگ۔ پاکستان ءُ ایراناں بلوچ راج غلام داشتگ ءُ آھانی مال ءُ مڈیاں دُزگ ءُ برگ ءَ اَنت ءُ بلوچ ءِ معاشی قتلِ عام ءَ کنگایاں۔ نشہ یے ھر وڑیں چیز پاکی ءُ ایرانی سرکار ءِ کمک ءَ ماں بلوچستان ءَ شنگ کنگ بیتگ۔
Comments[ 0 ]
Post a Comment