بلیدہ ءِ دمگ ءَ ایف سی ئے سرا اُرش بوتگ شش مُرتگ ءُ ھشت ٹپّی بوتگ اے اُرش ءِ ذمہ داری بی ایل ایف ءَ زُرتگ

کیچ(ھال) ھالانی ردا مرچی بیگاہءَ کیچ بلیدہ ءِ ھند سُلوءَ ایف سی ئے کاروانءِ سرا سرمچاراں ریموٹ بمب ئے اُرش کُتگ،چہ اے اُرش ءَ ایف سی ئے شش کارندہ مُرتگ ءُ ھشت ٹپّی ۔ یک گاڑی ئے تباہ بوتگ اے اُرش ءِ ذمہ واری بلوچ سرمچارانی گل بی ایل ایف ءَ زُرتگ ،چہ اُرش ءَ رند ایف سی ءَ سلو تیوگءَ انگر کُتگ دمان پہ دمان تیر گواری کُتگ ،،بی ایل ایف ءِ جارکش ءَ چہ ناشُناسیں ھندے ءَ سٹلائیٹ ءِ سرا فون کُتگ ءُ گُشتگے تنکہ بلوچستان ءِ آزادی ءَ مئے جُھد جاری اِنت ، دگہ یک ھالے کہ ڈیرہ بُگٹیءِ دمگ سوئی ءَ ھند کچھی ایف سی ءُ ناشناسین مردمانی درمیان ءَ تیر گواری تنکہ شپ ءِ نیم برجاہ اِنت ، بلے تنی وھدی نقصان ءِ ھال نیست