پاکی فوج ءَ گوں جنگی گُراب ءُ ہیلی کاپٹرانی کمک ءَ ڈیرہ بگٹی ءَ آپریشن بندات کُتگ۔سری لنکا گارڈین
Tuesday, January 31, 2012
بلوچستان(سری لنکا گارڈین) سری لنکا گارڈین ءِ ردا پاکی فوج ءَ گن شپ ھیلی کاپتر ءُ جنگی گُرابانی کمک ءَ ماں ڈیرہ بگٹی یے دمگ پیرکوہ ءُ شاھیگانیں وڑی ءَ فوجی آپریشن بندات کتگ۔ آپریشن ءَ پیادگیں فوج ءُ جنگی گراب بازیں ھند ءُ دمگاں بزگیں بلوچ مھلوک ءِ سرا بمباری کنگایاں ، بازیں مردماںی شھید بیئگ ءِ گمان اِنت۔ ھالانی ردا یک زالبولی ءَ ھوار سئے مردم شھید بیتگ۔ او پانزدہ بلوچ ٹپی اَنت۔ وھدیکہ ٹپیاں پاکستانی فوج نادراھجاہ ءِ سر کنگ ءَ نئیلگ اِنت۔ دگہ بازیں بلوچ پاکستانی فوج ءَ آوار جتگ ءُ بازیں گس ھم آس داتگ اَنت۔ بی۔آر۔پی ءِ ترجمان شیر محمد بگٹی ءَ گُشتگ ماں بلوچستان ءَ انسانی حقانی ھلاپ ورزی ءُ ورناھانی آوار جنی یے سرا امریکا ءِ دری کارگس ءِ جارکش ءِ دلپدردی درشان کنگ ءَ ابئید ھم ماں بلوچستان ءَ فوجی آپریشن تیز کنگ بیتگ۔ 
Comments[ 0 ]
Post a Comment