آوار جتیں بلوچانی ھاترا برجاہ داشتگیں ”شُد ھڑتالی کیمپ” ءَ شش سد پنجاہ روچ سرجم بیتگ
Wednesday, January 25, 2012
کراچی:ماں کراچی ءَ گار ءُ بیگواہ کُتگیں بلوچ ورناھانی ھاترا برجاہ داشتگیں شُد ھڑتالی کیمپ ءَ شش سد ءُ پنجاہ روچ سرجم بیتگ۔ انسانی حقانی کیچ ھنکین ءِ لھتے کارندھاں گار ءُ شھید کتگیں بلوچانی کہولاں ”اظہار یکجہتی” کنان ءَ گوشتگ کہ ماں بلوچستان ءَ سیاسی کارندہ، نودربر ءُ ورناہانی آوار جنگ، ٹارچر کنگ ءُ آھانی جتگ ءُ چُپتگیں لاشاں ماں ویرانیں جنگل ءُ دگاں دؤر دیگ باز دلپدردی یے گپے ءُ انسانی حقانی ھلاپ ورزی اِنت۔۔ وائس فار بلوچ میسنگ فرسنز ءِ جارکش قدیر بلوچ ءَ گُشتگ کہ ماں بلوچستان ءَ بلوچ مھلوک ءِ سرا زُلم ۔آوار جنی ءُ گار ءُ بیگواہ کنگ ءِ لڑ چندی سالیں کہ برجاہ اِنت۔ گوستگیں دو سالاں سئے سد ءُ ھپتاد جتگ ءُ چُپتگیں لاش دز کپتگ۔ایشانی تھا سی ءُ پنچ اَنچیں لاش ھم ھوار بیتگ اَنت آھانی پجار نہ بیتگ ءُ ھواری ءَ ھاک ءِ میار کنگ بیتگ اَنت
Comments[ 0 ]
Post a Comment