القاعدہ یے کمک کار ءِ دزگیر یے سرا یک کروڑ ڈالر ءِ داد ایر کنگ بیتگ

امریکا: امریکا ءَ ایران ءَ  سیادی داروکیں القاعدہ ءِ کمک کنوکیں مردی یاسین السوری یے دزگیری ءِ ھاترا یک کروڑ ڈالر ءِ داد ایر کُتگ، امریکا ءِ دری کارانی کارگس ءِ جارکش رابرٹ ھارٹنگ ءَ رسانکدر ءَ تران کنان ءَ گوشتگ کہ القاعدہ ءُ ایرانی سرکار ءِ میان ءَ یک منگ نامہ یے ءَ پد السوری ءَ ھمساھگیں ملک عراق، پاکستان او افغانستان ءَ  القاعدہ ءِ کار کنوکانی ھاترا زر دیم داتگ، مردم بھرتی کُتگ، آئی ءَ گوشتگ اے گروپ دو ھزار پنچ ءَ تاں ایران ءِ سیمسری ھنداں کار کنگ انت، رابرٹ ھارٹنگ ءَ گوشتگ اے مرد یک ٹوھیں ءُ تجربہ کاریں ناشر کارے،، اے مرد ءَ ایرانی سرکار ءِ پلہ مرزی ءَ گوں کار کُتگ، اے مرد چوناھا چہ سوریا (شام) ءَ سیادی داریت ، بلے انو ایرانی سرکار ءِ کمک ءَ ایران ءَ جاھمنندیں