ناروے: آمیدگس ءَ آندرے بیھرنگ بریوک گنوکانی لڑا ھساب کُتگ،

ناروے: بنیاد پرست گلے باسک آندرے بیھرنگ بریوک آمیدگس ءِ نیمگ ءَ داشتگیں تب زانشی زانتکاراں نفسیاتی مریض ھساب کُتگ، آھانی گوشگ ءِ ردا اے مرد ذھنی نادراھے، نو گمان ھمیش انت اے مرد زندان ءَ ابیئد پہ علاج ءِ ھاترا  یک تب زانشی نادراھجاھے ءَ برگ بیت، گوستگیں سال ءَ آندرے بیھرنگ بریوک ءَ ماں اوسلو ءَ بمب تراکے کُتگ اَت کہ چر ایشی ءَ ھشت کس بیران بیتگ اَت ، ایشی ءَ رند اے مرد ءَ  اوٹویا جزیرہ ءَ تیرگواری کُتگ ات ءُ چر اے تیر گواری ءَ ھپتاد مردم بیرن بیتگ اَت کہ ایشانی تھا گیشتر مسلمان اِتاں ،