مسلمان یک مُشت به باں ،اگاں ناں دُژمن سوب مند باں،، مُفتی اعظم

مکہ : شیخ عبدالعزیز ءَ نمرہ مسیت ءَ تران کنان ءَ گوشتگ  حج انسان ءِ  سرجمیں گُناھاں شودیت،،اسلام یک کاملیں رھبندے،،زندگی ئے سرجمیں تک ءُ پھناتاں چہ اللہ ءَ کمک بہ لوٹئے،،اللہ ءَ تُرسگ لوٹے،،مسلمان گوں دومی راجاں ھمگرنچ بیت نہ کنت،،اللہ ءِ سرا سِتک سوب مندی ئے نشانیں،،دُنیا ءِ ھچ چوشیں جیڑہ نیست کہ اسلامی رھبندانی ردا آئی ئے گیش ءُ گیوار مہ بیت،،قُران ءُ اسلامی رھبند مسلمانانی سوب مندی ئے مانزمان انت،،انسان ءَ الم اللہ ءِ عبادت کنگ لوٹیت ءُ وتی کار کرد جوان کنگ لوٹاں،،،مرچی مارا زند ءِ جیڑھانی گیشینگ ءَ نبی کریم ءِ رھبنداں رؤگ لوٹیت،، آئی ءَ گوشتگ کہ قُران یکیں سیاھگیں کہ پیلھیں دروشمے ءَ ھست ءُ برجم اِنت،،،قران سرجمیں انسانانی ھاترا نیکیں رھبند ءِ نشوندھی ءَ دیم دیگ بیتگ ءُ اسلام انسان ءَ چہ ھرابیں کاراں مکن کنت،،،مسلمان دومی نیکراھانی شرپ ءَ بہ ماراں،،اسلام وتی بستار ءِ ردا دومی نیکراھاں جُتاھیں،،اسلام ھچ وڑیں ناشرکاری ئے اجازت ءَ نه دنت،،اللہ تعالٰی ءَ جنت ھما کسانی ھاترا جوڑ کُتگ کہ آ نیکیں رھبند ءِ سرا بہ بنت،،چاگرد ءِ جوڈشت ءَ ایمان بُنکی بستاری داریت،، ھاکمے ءِ بُن ھِشت اسلامی رھبندانی سرا ایر کنگ بہ بیت،،،اسلام فرقہ بندی ئے اجازت ءَ نہ دنت،،