ڈیرہ بگٹی : بی آر اے ءِ سرمچاراں سوئی ءُ بڑزین ءَ زورگریں لشکر ءِ سرءَ اُرش کرتگ ،10زورگریں سپاھیگ مرتگ ءُ گوں چینی انجینئر ءَ بیست ٹپی بوتگ

ڈیرہ بگٹی : بلوچ سرمچارانی نامی ئیں گل بلوچ ری پبلکن آرمی ءِ جارکش سرباز بلوچ ءَ گوں اھوالکاراں گوشتگ کہ سوئی ءَ بلوچ سرمچاراں زورگریں پاکستانی لشکر ءُ چینی انجنیرانی گاڑی ءُ کانوائے ءِ سر ءَ ریموٹ کںٹرول بم ءَ گوں اُرش کرتگ چَہ ایشی ءَ دو گاڑی تباہ بوتگ ءُ دہ زورگریں لشکر ءِ سپاھیگ مرتگ ۔ چَہ ایشی ءَ ابید چینی انجینئر ءِ پجیگ ءَ بیست ٹپی بوتگ ۔جارکش ءَ گوشتگ کہ ڈیرہ بگٹی ءِ دمگ بڑزین ءَ ھم زورگریں لشکر ءِ کانوائے ریموٹ کنٹرول بم ءُ تیرءَ گوں نشانگ کنگ بوتگ چَہ ایشی ءَ زورگرانی یک سپاھیگے مرتگ۔