پاکستان بلوچاں بس ٹپ ءُ ٹوریں لاش دات کنت ۔۔ حیربیار مری

واجہ حیربیارمری ءَ پاکستانے سر وزیرءِ بلوچستان ءِ ترو ءُ تاب ءِ درگت ءَتران کنان ءَ گُشتگ، پاکستان بلوچاں ءَ ٹپ ءُ ٹوریں لاش دات کنت دگہ ھچ ، آئی گُشتگ ۔ وھدے پاکستانے فوجے سربراہ کیانی ءُ سر وزیر گیلانی چہ اسلام آباد ءَ پہ بلوچستانے ترّءُ تاب ءَ درکپتگاں ، ھمے روچ ءَ بلوچانی گساں پنچ ٹپ ءُ ٹوریں لاش رستگ ، اشانی تہا یک کسانیں پنجمی جماعت ءِ نودربرے بوتگ ،، وھدے آ ماں شال ءَ رستگاں دگہ پنچ لاش ھم بلوچانءَ رستگ ،او دگہ ھمنچو بلوچ آوار جنگ بوتگ، پاکستانے سر وزیرءَ گُشتگ ،،کہ بلوچستانءَ ھر یکے گوں پاکستان ءَ جنگ ءَ اِنت آ پاکستانی ئے نہ اِنت ،، واجہ حیربیار مری گُشیت ،،جی ھئو زانا بلوچان کدی گُشتگ کہ ما پاکستانی ایں ،او نہ بلوچاں گو ں پنجابی ءَ سیادی است ،،بلوچانی وتی وتن اِنت ، پاکستان ءَ پہ زور کبزہ کُتگ،،او نہ بلوچاں وترا گوں پاکستانے درد ءُ شریک کُتگ نہ وشّی ءَ،،، دیمترا واجہ حیربیار مری تراں کنت ،، کہ پاکستانے سر وزیر گُشیت ۔آ گپ ءُ رپٰ ھاترا بلوچانی لوگانی دپ ءَ رؤت،،پاکستانے فوج ھمک روچ ءُ شپ بلوچانی لوگانی سرا اُرش کنت ،او آئی چیریں فوج ھر روچ بلوچانی لوگانی تہا بلوچ مات ءُ گُہاران جنت پہ توپکے زورءَ آیانی ورنائیں بچاں آوار جنت، لوگے دپ دوریں گپ ئے،پاکستانی فوج بلوچ سر زمین ئے سرا وتی ناپاکیں قدماں ایر مہ کنت ،4000 ءَ چہ گیش بلوچانی پاکستانی ناپاکیں فوجءَ برتی بوگے سرا ،، واجہ حیر بیارمری تران کنان ءَ گُشیت،، کہ اے ھما مردماں کہ اشان ءَ وتی ماتیں وتن ءِ زانت نیست،، اے پہ مادریں وتن ءِ آجوئی ءَ جنگ کُت نہ کن اَنت۔ اے پہ پاکستان ءَ کُجام زھم ءَ جن اَنت ،اے ھما مردم اَنت ،کہ پہ پنچ ھزار روپئی ءِ ھاترا وترا بلوچ سرمچارانی دست ءَ کوشارین اَنت ، دگہ ھچ ٹپّ نہ شاں اَنت ، اے بے زمیر اَنت ،، دیمترا واجہ گُشیت لھتین روچ ساری بلوچ وطن مومنٹ ءِ گلام اللہ بلوچ ، بی ایس او (آزاد )ءِ کسان سالیں ورناء وحید بالاچ بلوچ ، سمر رندبلوچ ، عبدالمطلب بلوچ ، راشد بلوچ ءُ شفیع بلوچ ءِ لاش دور داتگاں ، او دگہ ھمنچو بلوچ بیگواہ کنگ بوتگ ،بلوچانی بیگواہ کنگ ءُ لاشانی چگل دیگ اے ریاست ءِ ناکامی ءِ مستریں نشانی اِنت ۔۔او بلوچ قوم ءَآجوئی ءِ ھاترا لاش سر ءُ چماں اَنت ،بلے گلامی ءِ یک منٹ ئے ھم برداشت نہ اِنت ، ،، شھید بلوچستان ءِ آجوئی ءِ سپاھی اَنت ،او بلوچ آجوئی تحریک دیمءَ جنزان اِنت ،بلوچ قوم وتی آزادی ءِ ھاترا ھر مُشکلیں حالاتاں اوشتاتگ اَنت ،، نوں پہ ریاستے ،نوکریاں ،،یا پہ مرایات رد دیگ نہ بنت ، بلوچ آجوئی تحریک دیمءَ رواں اِنت