ایم۔ایس۔ایف ءِ لھتے داشتگیں پنجابی ءُ پٹان کارندہ پاکی چیریں دستانی گوشگ ءِ پدا ماں بلوچ ھنداں ایم۔ایس۔ایف ءَ رد سوج کنگ ءَ انت۔۔ بلوچ خواتین پینل

بلوچ خواتین پینل ءِ جارکش ءَ میان استمانی ترھجاھے کارگس ایم۔ایس۔ ایف ءِ ماں جنگ زدگیں بلوچستان ءِ ھنداں ڈالچار کنگ ءِ سرا ایراد گران ءَ گوشتگ کہ ایم۔ایس۔ایف ءِ لھتے داشتگیں  پنجابی ءُ پٹان کارندہ پاکی  چیریں دستانی گوشگ ءِ پدا ماں بلوچ ھنداں  ایم۔ایس۔ایف ءَ رد سوج کنگ ءَ  انت۔۔چر ایشی ءَ چہ بلوچ مھلوک جاندراھی آسراتیانی نہ رسگ ءِ سوب ءَ وڑ وڑیں نادراھیانی آماچ انت۔۔خواتین پینل ءِ جارکش ءِ گُشگ ءِ ردا ماں بلوچستان ءَ پاکی فوج ءِ زُلم ءُ زوراکی ءُ مردم کُشیں سلاھانی کارمرز کنگ ءِ آسر ءَ بازیں بلوچ مھلوک ساھدار  کُشیں نادراھیانی  آماچ انت۔ بلے ایم۔ایس۔ایف اے ردا ھچ وڑیں کردے  پیلہ کنگ ءَ نہ انت۔۔ آئی ءَ ھال دیان ءَ گُشتگ کہ بلوچ دُژمن ٹولی کہ ھمے کارگس ءِ تھا کارءَ انت،،آ بلوچ راج کہ ایشی ءَ پاکی استان ءِ نیمگ ءَ ھچ وریں آسراتی رسگ ءَ نہ انت  ھمے  ٹولی عالمی ادارہ ایم ۔ایس۔ ایف ءَ  ھم بلوچ ھنداں رد سوج کنت ءُ ادا ھچ وڑیں کار کنگ ءَ نیلیت ئے۔۔۔اے ردا بی۔ آر۔ پی ءِ جارکش ءِ گوشگ انت کہ مرچی سرجمیں بلوچستان پاکستانی شیطانیں لشکر ءِ زلم ءُ زوراکی ءِ زدائیں۔۔پاکستانی لشکر ءِ نیمگ ءَ کیمیائی سلاھانی کارمرز کنگ ءِ سوب ءَ ڈیرہ بگتی، کوھلو، مکران ءُ جھالاوان ءُ دگہ ھند ءُ دمگانی بلوچ مھلوک وڑ وڑیں نادراھیانی  آماچ انت۔اے وھد ءَ میان استمانی ادارھانی فرض انت کہ آ انسانی جانانی رکینگ ءِ ھاترا دیم ءَ بیا انت ۔ بلے بژن بیت کہ اے ردا عالمی ادارہ ھچ وڑٰیں گامگیج زیرگ ءَ نہ انت  ءُ آ بلوچ دُژمن ٹولیانی  گُشگ ءِ پدا بلوچ ھنداں  ڈالچار کنگ ءَ انت۔۔لھتے پٹان ءُ پنجابی ئیں کارندہ بلوچ ھنداں عالمی ادارہ ایم۔ایس۔ ایف ءَ رد سوج کنگ ءَ انت۔۔ آھاں گوشتگ خواتیں پینل گوں دگہ بلوچ دوستیں گلاں ھوار میان استمانی گلاں سوج کنت ۔ آھاں اے ھم گوشیت کہ آ بلوچ ھنداں غیر جانبیں وڑی ءَ تر ءُ گرد بہ کن انت ءُ بچار انت کہ جنگ زدگیں بلوچستان ءَ ھچ وریں ترھجاھی آسراتی  دیگ بیئگ ءَ نہ انت۔۔اگاں میان استمانی گل اے تک ءَ دلگوش مہ دیاں تا گُڑا  گوں بلوچ دوستیں گلاں ھوار آھانی ھلاپ ءَ ترندیں گامگیج زیرگ بیت۔۔۔