شال : بلوچ راج پہ وتی حقاں فورم جوڑ بہ کن اَنت ' بلوچ اسٹوڈنٹس ایکشن کمیٹی

شال : بلوچ اسٹوڈنٹس ایکشن کمیٹی ءَ گوشتگ بلوچ ڈاکٹر فورم ءِ اولی گچینی کارداری ءُ سینٹرل کمیٹی ءِ توامیں باسک مبارکی داتگ ءُ گوشتگ کہ بلوچ ڈاکٹر فورم پہ ڈاکٹر ءُ بلوچانی حقن ءَ وتی کردگار ءَ پیش کنت۔ اے درگت ءَ ما توامیں بلوچ اساتداں دزبندی کن اِیں کہ آ پہ بلوچ راج ءِ حقان وتی فورم جوڑ بہ کن اَنت ۔ بلوچستان یونیورسٹی ءِ بلوچ استاد ڈلگچار ءُ بے وار کنگ بوگ ءَ اَنت ۔ بلوچستان ءِ درستیں ادراھانی تہ ءَ اولی ءُ بنیادی حق بلوچ راج ئیگ اِنت بلے توامیں ادراھانی تہ ءَ بلوچ راج ڈلگچار کنگ بوگ ءَ اِنت ۔ بلوچستان یونیورسٹی شال ءَ درراج ءِ مردم زورگ بوگ ءَ اَنت ھمے پیم میرین یونیورسٹی اوتھل ءَ بوگ ءَ اِنت ۔