قذافی ڈیھ ءِ ھاکانی میار کنگ بیتگ۔

لیبیا:لیبیا ءِ گوستگیں آشوبی  ءُ عرب سوشلسٹ رھشون کرنل قذافی گوں وتی زھگ متصم قذافی ءُ گوستگیں آرمی چیف ءَ ھوار ناشناسیں ھندی ءَ ڈیھ ءِ ھاکانی میار کنگ بیتگ۔ لیبیا عبوری سرکار ءِ ردا کرنل قذافی ءِ کھول ءِ نیمگ ءَ لاشانی دز گرگ ءِ ھچ وڑیں دزبندی کنگ نہ بیتگ۔پمیشا آھاں اسلامی رھبندانی ردا ناشناسیں ھندی ءَ کل کنگ بیتگ۔ دومی نیمگ ءَ قذافی ءِ پت ءُ پیرکی شھر سرت ءَ بمب تراکے ءَ سدءَ چہ گیش مردم بیران بیتگ ءُ بازینی ٹپی۔ ھالانی ردا یاگی لشکر ءِ نیمگ ءَ قذافی ءِ بیرانی ءَ پد قذافی منوگرانی پہ بے دردی قتلِ عام کنگ بیتگ، قذافی ءِ مرگ ءَ پد عالمی سوشلسٹ رھشون ھوگو شاویز ءَ ھوار دگہ بازیں انسانی حقانی گلاں قذافی ءِ کوش ایر جتگ ، بس پاکستان ءِ گوستگیں وتگڑ ءُ پہ نام سوشلسٹ رھشوناں آئی ءِ اے وڑیں مرگ ءِ تعریف کُتگ۔