پارلیمان پسند پہ بلوچ ورناھانی آوار جنگ ءُ کشگ ءَ بائیوار اَنت ' بی ایس او آزاد

شال : بی ایس او [ آزاد ] ءِ بنجاھی جارکش ءَ چَہ خضدار ءُ پسنی ءَ بلوچ بچانی دیم شرینتگیں میتانی دزکپگ ایرجتگ ءُ گوشتگ کہ گوستگیں روچ ءَ چَہ خضدار ءَ بی ایس او آزاد ءِ باسک وحید [بالاچ ] کہ پنچمی کلاس ءِ نودر بربوتگ کہ 18اگست ءَ چَہ خضدار ءَ آوار جنگ بوتگ ۔ آئی ءِ میت یک دگہ بلوچ پسگ غلام اللہ بلوچ کہ بلوچ وطن موومنٹ ءِ کارگشاد بوتگ چَہ خضدار ءِ ھند باغبانہ ءَ دزکپتگ ۔آئی ءَ ابید چَہ پسنی ءَ دگہ دو بلوچ پسگ مطلب ء اسحاق کہ جیمڑی ءِ نندوک بوتگ ءُ دگہ سمیر رند ء عبدالکریم کہ مند ءِ نندوک بوتگ سک جنگ ءُ چوپگ ءَ پد کشگ ءُ میت ویرانگ ءَ دور دیگ بوتگ اَنت ۔اے رنگیں کار ھمروچگیں کار جوڑ بوتگ اَنت کہ پاکستانی ایجنسی بے سلاھیں بلوچ سیاسی کارکناں وتی شکنجہ جاھاں لٹ ءُ چوپ کنگ ءَ پد کشگ ءَ اَنت ءُ آھاں میت ءَ پہ رسترانی ورگ ءَ ویرانگ ءَ دور دیگ ءَ اَنت بلے اے آھانی بے سمائی اِنت کہ بلوچ آجوئی ءِ زرمبش نوں چک ، کماش ، جنین ، ورنا ءُ ھمک ٹک ءِ مردم ھوار اَنت ۔وھدے کہ بلوچ ورناھانی دیم شرینتگیں میت کپ اَنت گڑا بلوچ ورناھانی ھاٹیگ گیشتر ءُ توانتر بنت ءُ پہ وتی سرزمین ءَ توامیں مڈیاں ندر کنگ ءَ ساڑی بنت ۔ جارکش ءَ دیمتر ءَ گوشتگ کہ توامیں پارلیمان پسند ءُ نام ءِ راج دوست اے میار ءِ تہ ءَ بائیوار اَنت کہ بلوچ ءِ بیرگیری ءَ نہ رک اَنت ۔