شال : اگاں بیگواھیں بلوچ یلہ نہ بوت اَنت گڑا زھرشانی کن اِیں ' بلوچ ڈاکٹر فورم بڈ

ڈاکٹر دین محمد

شال : بلوچ ڈاکٹر فورم ءَ ڈاکٹر وزیر مری ءِ چَہ راھبندءَ دریں دزگیری ءُ بیگواہ کنگ سک ایر جتگ ءُ گوشتگ کہ اگاں گار ءُ بیگواہ کرتگیں بلوچ ڈاکٹرانی پجیگ ءَ دگہ مردم یلو کنگ نہ بوت اَنت گڑا ما سک زھرشانی ءِ نیمگ ءَ رو اِیں ۔ جارکش ءَ گوشتگ کہ بلوچستان ءَ دین ءَ داسی بلوچ ڈاکٹر، وکیل ، نودربر۔ دانشور ءُ ندکار بیگواہ کنگ بوگ ءَ اَنت۔ ھمے پیم ڈاکٹر دین محمد، ڈاکٹراکبر مری ءَ دوسال اِنت کہ بیگواہ اَنت اگاں ایشاں میارے ھم کرتگ گڑا دادگس ءَ پیش کنگ بہ بنت ۔ گورنر، اُستان سروزیر ، چیف سیکرٹری ، چیف جسٹَس بلوچستان ءۃ پاکستان ءِ توامیں واکداراں دزبندی کن اِیں کہ ڈاکٹرانی درکنگ ءَ مارا کمک بہ کن اَنت اگاں ناں ما زھرشانی کن اِیں۔ سرکار ڈاکٹر وزیر مری ، ڈاکٹر دین محمد ءُ ڈاکٹر اکبرمری ءَ درکنگ ءَ المیں گامگیج بہ زور اِیت اگاں گوں بلوچ ڈاکٹراں اے ناروائیں کردگار بدل نہ بوت اَنت گرا اے درگت بلوچ ڈاکٹر زھرشانی کن اَنت ۔