کیچ ءِ بازار ءَ امام بیل ءُ جعفر ءِ گُنڈہ پہ تُپنگ ے زور ءَ بند کنگ ءَ اَنت

تربت (کیچ) ءِ بازار ءَ آئی ایس آئی ءُ ایم آئی ءُ آیانی ھمراھی ءَ نشنل پارٹی ءِ سربراہ امام بیل ءُ جعفرءِ گُنڈہ مرچی پنچ روچ اِنت پہ تُپنگے زورءَ بند کنگ ءَ اَنت ۔، بلوچ مھلوقے آوار جنگ ءُ آیانی لاشانی دور دیگے خلاف ءَ بی این ایف ءُ بی سی او ( آزاد)ءَ یک روچے در بند ءُ سہ روچءَ سرکاری اِداراھانی بند کنگے جار جتگ ءَ ، چہ آئی پد بلوچ سرمچاراں عصمت نامیں مصالہ والا پٹھانے کُشتگ ،عصمت انونیں وھدءَ چیریں اداراھانی یک انسپکٹرے بوتگ ،، ھمے مردے مرگ ءِ درگتءَ نشنل پارٹی ءِ سروک امام بیل ءُ جعفر ءِسلاہ بندیں گُنڈہ کیچ ءِ شھرءَ مان رتکگاں ۔ وتی تپنگے ءِ زور ءَ بازار اِش بند کُتگ اومرچی پنچ روچ اِنت کہ ھمے سلاہ بندیں گُنڈہ پہ زور بازار ءَ بند کنگءَ اَنت ،اشی پابُشتءَ سوداگراں وتی ارز کیچءِ سرکارے کرّا بُرتگ، گوں ڈی سی ءَ ارز اِش کُتگ اے وڈیں ناشرانی گر ءُ دار ءَ بکنت ،بلے کیچ ءِ سرکار اشانی دیم ءَ بے وس اِنت ، اگہ یک بلوچے بوتیں پورائیں سرکار آئی درگیجگ ءِ واستہ درستین شھرءَ چپّی کننت ،بلے واجہانی داشتگیں گُنڈہ گوں وتی توپکاں بازارءَ ترّ اَنت اے گُنڈاھانی باری ءَ سرکارے چم بند اَنت