امریکی کانگریس ءَ جنگ ءِ ھلاپ ءَ زھرشانی

واشنگٹن: امریکی کانگریس ءِ آرمڈ سروسز کمیٹی ءِ مراگش ءَ جنگ ھلاپاں باز زھر شانی ءُ پرشت ءُ پروش کُتگ۔ زھرشانی کنوکاں کوکار کنان ءَ گوشتگ کہ ”Stop the genocide of humans” بزاں بزگیں انسانانی کُشگ بند کنگ بہ بیت۔۔۔امریکی دفاعی ھرچانی درگت ءَ بیوکیں مراگش ءَ زھرشانی کنوکاں کچا  گلابییں  پشک گورا کُتگ ءُ امریکی وتگڑیں فوجی اُرشانی ھلاپ ءَ جاک ءُ کوکار کُتگ۔۔یک مردمے مراگش ءَ پُترتگ ءُ کوکار کنان ءَ گوشتگے ”شُما کُشندہ ئے” ” شُما کُشندہ ئے” پدا پولیس ءَ ھمے مردک کشان کُتگ ڈن ءَ در کُتگ۔۔مراگش ءَ یک زالبولی ءَ کوکار کنان ءَ گوشتگ ” چنکہ کُش ئے” ” چنکہ کُش ئے” زھر شانی کنوکانی جاک ءُ کوکارانی سوب ءَ امریکی دفاعی وزیر لیون پینٹا ءَ چار ءُ پنچ برا وتی گُشتانک مھتل داشتگ۔۔مراگش ءِ وھد ءَ مراگش ءِ کارمستر ھک مکون ءِ دیم زرد ءُ سُھر تر اِتگ ءُ آئی ءَ مراگش ءِمھتل کنگ ءِ ھاترا بار بار وتی دست چو ڈھل ءِ وڑا ڈیسک ءِ سرا جتگ۔۔۔۔۔