ڈاکٹر وزیر خان مری پاکستانی ایجنسیانی دست ءَ آوار جنگ سکیں مزنیں میارے ' وائس فار مسنگ پرسنز

شال : پاکستانی سرکار آوار جتگیں بلوچ ودود رئیسانی ، جلیل ریکی ، سنگت ثنا ، ڈاکٹر دین محمد ، ذاکر مجید ، علی اصغر بنگلزئی ،غفور ، مشتاق رودینی ، سمیع مینگل ، سعید الرحمن ءِ کھولانی شد ھرجاپی گدان ءَ 447روچ ، وھدے کہ اقبال ، کریم ، غلام اللہ ءِ کھولاں 45روچ سرجم بوتگ ۔ گوں آوار جتگیں بلوچانی کھولاں ھمدردی کنگ ءَ بی ایس اوآزاد ءِ ھوشاب زون ءِ لھتیں مردم شد ھرجاپی گدان ءَ اَتکگ ۔ آھاں گوشتگ کہ سنگت ثناء چَہ 7دسمبر 2009ءَ پاکستانی ایجنسیاں آوار جتگ دنیگت بیگواہ اِنت سنگت ثناء بی ایس او ءِ گوستگیں چیرمین اِنت ھمے پیم آئی ءِ شرپ مئے دلانی  تہ ءَ اِنت۔ وائس فارمسنگ پرسنز ءَ گوشتگ کہ ڈاکٹرو زیرخان مری ءِ ایجنسیانی دست ءَ آوار جنگ یک سنگینیں میارے ماایشی ءَ سک باز ایرجن ءُ گوں ایمنسٹی انٹر نیشنل ،ھیومین رائٹس واچ ءُ تپاکیں راجانی گل ءَ دزبندی کن اِیں کہ پاکستان ءَا نسانی حقانی لگتمالی دنیگت برجاہ اِنت اے نیمگ ءَ دلگوش گور بہ کن اَنت داں انسانی جاناں تاوان مہ رس اِیت ۔