کابل : امریکہ ءُ نیٹو کارگسانی سر ءَ طالبان ءِ اُرش

کابل :[ اے پی ] امریکہ ءِ سفارتجاہ ءِ سر ءَ گوں راکٹاں اُرش کنگ بوتگ سئے شنبے ءِ روچ ءَ اوگانشتان ءِ بنجاھی شھر کابل ءِ دل ءَ نیٹو ءِ ھیڈ کوارٹر ءُ دگہ سرکاری ماڑیانی سر ءَ اُرش کنگ بوتگ۔ طالبان ءَ اے آُرش ءِ ذمہ واری من اِتگ ۔ پولیس ءِ رد ءَ سلاھبنداں درسیں ماڑیانی سر ءَ تیرگواری کرتگ کہ کابل ءَ عبدالحق اسکوائر ءَ کہ  نوکی سئے سد یارڈ میٹر زمین ءِسر ءَ اڈ کنگ بوگ ءَ اَنت ۔امریکہ ءِ  سرکار ءَ دنیگت اے درگت ءَ ھچ نہ گوشتگ ۔امریکہ ءِ سفارتجاہ وزیر اکبر خان ءِ دمگ ءَ اِنت ھمود ءَ کہ راکٹ جنگ بوتگ آ درملکیانی بندر اِنت ۔ یک راکٹے ٹولو نامی ٹی وی چینلے ءِ ماڑی ءَ ڈُک اِتگ ءُ یکے چکانی اسکول ءَ۔ ایسوسی ایٹڈ پریس ءِ رِد ءَ چار اوگانی ٹپی بوتگ ۔ دومی نیمگ ءَ طالبان ءِ جارکش ذبیح اللہ مجاھد ءَ گوشتگ کہ مزنیں کساسے ءَ مئے وتکش اوگان ءُ ڈنی سپاھیگانی سر ءَ اُرش کنگ ءَ اَنت ۔ آئی ءَ اے ذمہ واری یک ٹیکسٹ میسجے دیم داتگ ءُ من اِتگ کہ وتکش گوں آسگواریں سلاھاں آفس ءُ اوگان اںٹلی جنس سروس ءِ سر ءَ اُرش کنگ ءَ اَنت۔